افغانستانده هییتلیک آلیب باریش عنعنهسی اوزن مدتدن بویان موجود دیر، بیراق شوندهی عنعنهلرنی تامین قیلیش هزینهسی بولمهگنی باعث، گاهگاهی بو عنعنهلر یخشی شکلده انجام تاپمهیدی و عایلهلر آرهسیده، قیینچیلیک ایجاد ایتیلیشیگه سبب بولهدی.
افغانستانده اوزن زمانلردن بویان هییت و نوروز کونلریده نامزد بولگن ایرککلر تامانیدن قیز عایلهسیگه تحفه یوباریش معمول بیرعنعنه دیر، بیراق کمبغللیک و ایشسیزلیک سبب، بو عنعنهلر هزینهسینی تیارلش زور دیر.
قطار یاشلرنینگ ایتیشیچه، هییتلیک، افطارلیک و نوروزلیک ناپسند عنعنهلری مالی نقطه نظردن اولرگه زیان ییتیشتیرهدی، بیراق بو عنعنهلرنینگ رعایت ایتیلیشی اوچون بو ایشنی انجام بیریشگه مجبور دیرلر.
اولرنینگ ایتیشیچه، هزینهسی یوقاری بولگن ناپسند عنعنهلر اجتماعی قیینچیلیکلر و گاهگاهی طلاق یوز بیریشیگه سبب بولهدی.
عینحالده، اجتماعی ایش بیلرمانلردن بیری راضیه دانش نینگ ایتیشیچه، اقتصادی قیینچیلیکلر باعث، کوپ قطار عایلهلر آرهسیده هییتلیک و نوروزلیک آلیب باریش قیینچیلیک ایجاد قیلهدی.
افغانستانده ناپسند عنعنهلر عایلهلرگه کوپینچه مالی زیان ییتیشتیرهدی و یاشلرنینگ بو هزینهلرنی پرداخت قیلیش اوچون خطرلی ایشلرگه قول اوریشلری ممکن.
