قوراللی طالبلرنینگ قطار جنگریلری بوگون (شنبه) ایرتلب بغلاندن کابلگه آلیب کیلینهدیگن محبوسلر کاروانیگه هجوم قیلگن. نتیجهده بیر محبوس شامل پولیس نینگ 3 حربی هلاک بولگن و اوچ پولیس ایسه تَن جراحتی آلگن.
نامی فاش ایتیلمسلیک شرطی بیلن سلاموطندارگه گپرگن امنیتی بیر منبعنینگ ایتیشیچه، بغلان تورمهسیدهگی سیاسی محبوسلرنی کابلگه ییتکزه دیگن کاروان شمالی سالینگلرده قوراللی طالبلر تامانیدن هجوم آستیگه آلینگن.
منبعنینگ ایتیشیچه، بغلان ولایتی خنجان تومنینینگ امنیتی کوچلری منطقهگه ییتیشیب کیلیشی بیلن جنگری طالبلر منطقهدن قاچیشگه موفق بولگن.
محبوسلرنی کاروانی نیمه نیت بیلن قوراللی طالبلر آرقهلی هجوم آستیگه آلینگنلیگی دلیلی هنوزگچه معلوم ایمس.
عین حالده، بعضی ییتکرمهلر شمالی سالنگلرده جنگری طالبلر بیلن افغان ملی کوچلری اورتهسیده اوروش جریانی بارلیگی حقیده خبر بیرگنلر. لیکن، بو خبر امنیتی منبعلر طرفدن در ایتیلگن.
