میدانوردک دهگی داعش گروهینینگ هواخواهلری بیر زیارتنی بوزیب تشله گندن کیین اونینگ بیرهغینی اوتگن تارتگنلر. بو زیارت صوبیان نامیده بولیب میدانوردک سیدآباد تومنیده جایلشگن ایکن.
برهکی برک تومنینینگ باشلیغی محمدرحیم امیننینگ سلاموطندارگه ایتیشیچه، بوندن آلدین هم اولرگه کیلگن گزارشلر اساسیده، داعش هوا خواهلری ولایتده جایلشگن صوبیان زیارتی و باشقه زیارتلرنی بوزیب تشلشگه قصد قیلگن ایکنلر.
انه شوحالده سیدآباد تومنینینگ باشلیغی فضلکریم مسلمنینگ ایتشیچه، مذکور زیارت بوزیش ایشی داعش گروهینینگ ایشی ایمس دیر.
اونگه کوره، سعدالله ناملی طالبلر باشلیغلریدن بیری بو ایشنی قیلگن. جناب مسلمنینگ کوپهیتیریشیچه کورینگن کیشیلر قورال بیلن بیزهلگن حالده زیارتنی بوتونلی بوزیب تشلهگن.
سیدآباد باشلیغیگه کوره، بوتومنده داعش گروهی رسمی شکلیده فعالیت قیلگنی کورینمهگن، بیراق ایریم کیشیلر داعش هواخواهسی ایکنلیگینی بیلدیریش اوچون بو تومنده فعالیت قیلیب کیلماقدهلر.
بوندن آلدین هم داعش هواخواهلری لوگر ولایتی چرخ تومنیدهگی مولاعلی ناملی زیارتنی توبدن بوزیب یوقاتگن ایدی.
انه شوحالده عراق و سوریه چیگرهلریده فعالیت قیلهدیگن داعش گروهی هم اوز تصرفلریده بولگن منطقه لردهگی زیارتلرنی شونقه بوزیب تشلهگنلیکلری ایتیلردی.
بونقه مکانلرنی بوزیش بیلن مذکور گروه آلدیده ظاهری کفرلیک و بتپرستلیکلرگه قرشی عمل قیلیب اولرنی بوزیلیش بویروغینی بیرگن.
