.jpg)
بوگون توشدن آلدین، پاکستاننینگ بلوچستان ایالتی مرکزی کویته شهریده جایلشگن کسلخانهده یوزبیرگن پارتلشده 42 کیشی هلاک ایتیلیب و 100 دن آرتیق کیشی یرهلنگن.
کویتهدهگی ایرکین خبرچی رازق برقنینگ سلاموطندارگه ایتیشیچه، اوشبو پارتلش بیرقطار مدافعه وکیللر، ییریک مدافعه وکیللردن بیری بلال انور کاسینینگ جسدینی اوشبو کسلخانهگه آلیب کیلگن بیرچاغده یوزبیرگن.
اوشبو مدافعه وکیل، بوگون ناتانیش قوراللی کیشیلر تامانیدن آتیب اولدیریلگن.
جناب برقنینگ ایتیشیچه، هلاک ایتیلگنلر و یرهلنگنلر ایچیده، پاکستاننینگ قطار مدافعه وکیللری، خبرچیلر و پولیسلر هم کورینهدی.
اوشبو پارتلش قندهی بیر شکلده یوز بیرگنی حاضرگچه معلوم بولمهگن؛ بیراق پاکستان باش وزیری نواز شریف و بلوچستان ایالتی ایچکی ایشلر وزیری، اوشبو مملکت امنیتی کوچلریدن بو واقعهنی هر تامانلمه تیکشیریشلرینی سورهدی.
اوشبو پارتلش مسؤولیتینی حاضرگهقدر هیچ بیر گروه یا-ده کیشی اوز ذیمهسیگه آلمهگن.
