بیرلشگن ملتلر امنیتی کینگش تشکیلاتی 5+1 اولکه لرینینگ ایران بیلن کیلیشگن قطعنامه سینی تصویب قیلدی. قطعنامهده کیلیشیچه، ایرانگه قرشی تحریملر بوتونلهی کوتریلیشی ممکن.
مذکور قطعنامهده، ایران تامانیدن بیریلگن وعدهلر عملگه آشیریلگن صورتده، امنیتی کینگش تامانیدن صادر ایتیلگن ایران هستهیی آلدینگی قطعنامهلری بو اولکه تسلیحاتی جهازلرینینگ ساتیب آلینیشیدن باشقهسی لغو ایتیلهدی دییه اورغولهگن.
ایتیلیشیچه، مذکور قطعنامه اوچون امنیتی کینگش برچه اعضاسی ایجابی رای بیرگنلر.
بوقطعنامهده طرف بولگن اولکهلردن بیری تخلف قیلگن صورتده مذکور کیلیشیک و اونی تأیید ایتگن کمتیه تامانیدن دوام ایتیلهدی دیگن پیشبینلیک بولگن قطعنامه لرامنیتی کینگش تامانیدن قیته رای آلینیشگه کیتهدی و لغو بولهدی.
بوماده گه کوره، روسیه و چین اولکهلری قرشیلیک کورستگن بیرچاغده وتوحقیگه ایگه بولگن اولکهلرتحریملرقیته باشلهنیشی اوچون آلدینگی قطعنامه لرنی دوام ایتیلیشیگه توسیق چیقه آلمیدیلر.
ایتیلیشیچه، مذکور قطعنامه بیربولیمی ایران نمایندهلر مجلسی وبسیجیلر باشلیغینینگ کوپلب قرشیلیکلر بیلن روپهره بولگن.
مذکور بولیمده ایراندن کیلهسی 8ییلگه قدر هستهیی قوراللرنی ایلتهدیگن موشکلر جملهدن بالستیک موشکلری بیلن جهازلنگن قورال توزهتیش فعالیتیدن چیکینیشینی سورهگن.
ایرانلیک رسمیلرنی ایتیشیچه، قطعنامهده کیریتیلگن نرسهلردن کوپیسی بو اولکه منافعسینی نقض قیلهدی و بونقه قطعنامهلر اولرگه قانقیتیرهرلی ایمس لیگینی اورغولهگنلر.
اروپا اتحادیهسی هم 29 سرطانده ایران و 1+5 گروه ارا بولگن کیلیشیکنی تأیید قیلگن ایدی.
اروپا اتحادیه سینینگ تشقی سیاست مسؤولی فدریکاموگرینی، بو اتحادیهنینگ ایران بارهسیده اویوشتیریلگن اولتیریشده، ایران هستهیی کیلیشیگینی توازونلیک کیلیشیک دیگن.
امیریکه بیرلشمه ایالتی موندن آلدین مذکور کیلشیک متنینی کوریب اوتیش اوچون اولکهسی کنگره سیده یوبارگن ایدی.
