2018- ییلده دنیا کوپینچه اونملی واقعهلرگه گواه بولگن. سلاموطندار خاص بیر تنلنمه تیارلب، دنیاده یوز بیرگن اونملی واقعهلرنی سیاسی، اجتماعی، اقتصادی، مدنی و اقلیمی بولیملرگه اجرهتیب و هر بیر بولیمده اینگ اونملی واقعهلرنی بیلگیلگن.
1-
2018- ییلنی بیرینچی کونلریده آمریکا جمهور رئیسی دونالد ترامپ، بیر توئیت نشر قیلیب مذکور مملکت تامانیدن پاکستان گه بیریلهدیگن 33 میلیارد دالرلیک یاردملر کیسیلگنیدن خبر بیردی.
اوشبو توئیتده ترامپنینگ یازیشیچه، اوتگن 15 ییلده آمریکا هر ییل پاکستان گه 33 میلیارد دالر یاردم بیرگن؛ بیراق اونی بدلی گه پاکستاندن قولگه کیریتگن نرسه یلغانچیلیک و الداوچیلیک بولگن.
آمریکا جمهور رئیسینینگ تنقیدلری باعث، پاکستان مذکور مملکتنینگ ایلچیسینی تشقی ایشلر وزیرلیگیگه چقیردی. پاکستاننینگ تشقی ایشلر وزیری، ترامپنینگ بو سوزلرینی «سیاسی اویین» بیلیب و بو گپ «افغانستانده آمریکانینگ ناکاملیگیدن چیققن دیدی.»
2-
آمریکا جمهور رئیسی، میلادی 2018- ییل، می آیینینگ بیرینچی کونلریده بیر فرمان صادر قیلیب برجام آتلی ایران ارا هستهیی کیلیشوودن بیر تامانلمه شکلده خارج بولدی.
مذکور فرمان گه قول قوییلگنیدن سونگ، برجام اساسیده ایران هستهیی تحریملری توختهتیلدی؛ لیکن زمانی بیر دوره اساسیده، ینهدن قیتدی.
ترامپنینگ بو قراری گه عکسالعمل بیلدیرگن ایران جمهور رئیسی حسن روحانینینگ ایتیشیچه، بیزلر اونملی بیر تجربه گه گواه ایدیک و اوتگن 4 ییلده گواه بولگن نتیجهمیزگه ییتیشدیک. نتیجه شو دیر کیم ایران بیرگن سوزی گه توختهیدی و آمریکا هیچ قچان بیرگن سوزی گه توختمهگن.
ایران ارا هستهیی کیلیشووگه قول قویگنلر و بو مملکتنینگ اصلی بیرلشیکلریدن بیری روسیه ایدی و امریکا برجام آتلی ایران ارا هستهیی کیلیشوودن چیققنیدن سونگ، روسیه بو موضوع گه قرشی عکسالعمل بیلدیریب آمریکانی خلق ارا قاعدهلریگه قرشی اهانت و بیفرق یاندهشیش گه عیبلهدی.
3-
دنیا مملکتلریدن بیرقطاریده میلادی 2018- ییل آمریکا قوشمه ایالتلرینینگ تحریملری باشلهنیب و یاردملری کیسیلیشی بیلن باشلندی؛ بیراق باشقه بیرقطار مملکتلرده علاقهلر یخشیلندی و شمالی کوریانینگ رهبری جنوبی کوریاگه سفر قیلدی و بو موضوع میلادی 1935- ییلده ایکی کوریا آرهسیده یوز بیرگن اوروشدن سونگ، اینگ اونملی واقعهلردن بیری ایدی.
ایکی کوریانینگ رهبرلری بیر دههدن سونگ بیرینچی مرته بیر-بیراولری بیلن اوچرهشیب و اولر ایکی مملکت آرهسیده دایمی تینچلیک ایزلشلرینی بیلدیرگن.
شمالی کوریا، حسن و نیتینی کورسهتیش اوچون رسمی ساعتینی جنوبی کوریا بیلن بیردیک قیلدی و بو قرار ایکی مملکت آرهسیدهگی علاقه یخشیلنیشی اوچون کته اهمیت گه ایگه ایدی.
4-
2018- ییل ده یوزبیرگن اونملی واقعهلریدن بیریسی سنگاپورنینگ سنتوزا جزیرهسینی «کاپلا» هوتلیده، قوشمه ایالات جمهور رئیسی دونالد ترامپ و شمالی کوریا رهبری کیمجونگ اون نینگ اوتکزگن اوچرهشووی ایدی. بو 1953- ییلده کره اوروشی نی یکونلنگنیدن سونگ مذکور مملکتلر جمهور رئیسی نی بیرینچی اوچرهشووی دیر.
قوشمه ایالات جمهور رئیسی دونالد ترامپ و شمالی کوریا رهبری کیمجونگ اون سنگاپور ده تاریخی اوچرهشووی نی آخیریده بیر سند امضالهگن.
ایکی مملکت رهبری صحبت اوتکزگنلریدن کیین بیر نیچه دقیقه تورلی ممکلتلر رسانهلرینی کمرهسی برابریده قرار تاپیب و ژورنالیستلر بیلن سوزلشگنلر.
5-
اوتگن ییلنینگ جولای آییده آمریکا عدلیه وزیرلیگی روسیهنینگ 12 خوفسیزلیک ایشلاوچیسی نی 2016- ییل جمهورلیک ریاستی سیلاوی جریانیده دموکرات حزبی ملی کمیته کمپیوترلرینی هک ایتیش حقیده عیبلب و اولرنینگ برابریده جرم اعلام قیلدی.
آمریکا عدلیه وزیرلیگی اورین باسری راد روزنستاین اوشبو خبرنی اعلام قیلیب ایتیشیچه، مذکور 12 کیشی روسیه حربیلرینی معلوماتی بیر ادارهسینینگ ایشلاوچیسی بولیب و اولر دموکرات حزبینینگ ایمیل لریدهگی معلوماتلرنی اوغیرلش گه اقدام قیلگن ایکن و اولرنینگ هدفی آمریکا جمهورلیک ریاستی سیلاوی ده تاثیرلی بولیش ایکن.
روزنستاین جنابلرینینگ ادعاسی اساسیده، اوشبو روسیه خوفسیزلیک ایشلاوچیلری دموکرات حزبینینگ کمپیوترلری و سیلاوی کمیتهسیگه نفوذ قیلیش گه موفق بولگن.
6-
سعودی عربستان دنیا بوییچه عیاللرگه هیداوچیلیک رخصتی نی بیرمهگن یالغیز مملکت ایدی. بو مملکت نیچه دههدن سونگ 2018- ییلده بیرینچی مرته عیاللر هیداوچیلیگی گه توسیق بولیش قانونی نی لغو قیلدی.
عیاللر هیدواچیلیگی گه توسیق بولیش قانونی لغو ایتیلگندن سونگ، عیاللر حقلری نی فعاللریدن قطاری تورلی بهانهلر آرقلی قولگه آلیندی.
7-
2018- ییل ده عالی محکمه همجنسبازلیک آلدی آلینیش قانونی نی لغو ایتیلیشی خصوصیده آواز بیرگن و بیر حکم آرقلی همجنسبازلیک نی قانونی دیگن.
هند عالی محکمه قاضی سی دیپاک میسرا، حکمیده همجنسبازلیک توغریسیده بیر متن یازگن کیم:« اوشبو قانون همجنسبازلیک نی آزارلنتریشی حقیده بیر قورال گه اوزگن.»
هند نی جزالنتریش قانونی نی 377- مادهسیده « طبیعت نی نظمی گه قرشی جنسی و جسمی علاقه بوتونلی ممنوع دیر.» هندنینگ عالی ادارهلری آواز بیریب اوشبو قانونی ماده نی لغو قیلدی.
8-
آمریکانینگ پنسیلوانیا ایالتی نی 6 حوزهسیده 70 دن آرتیق ییل جریانیده کاتولیک کشیشلری مینگلرچه بالهلردن جنسی سوءاستعمال حقیده اقدام قیلگن؛ اوشبو خبر مذکور ایالتنینگ باشقارالاوچیلیگی تامانیدن اعلام بولگن.
ایکی ییل تدقیقدن کیین آمریکا باشقارلاوچیسی جاش شاپیرو تامانیدن 884 صحیفهلی گزارش ترقهتیلدی و بو گزارش ده 301 کشیش نی رویخطی کورینهدی و اولرنینگ ایرکک و قیز بالهلرنی جنسی زولشی توغریسیده حجتلر تاپیلگن.
قطار کشیشلر اولگن و یالغیز ایکی کشیش تیریک دیر و اولر قانونی تعقیب آستیده قرار تاپگن.
مذکور گزارشنینگ محتواسینی کته بولیمی اوشبو ایالت بویوک اسقفلرینی آرشیفلنگن یاشیرین حجتلر اساسیده تیارلنگن و بو اسنادلر آرهسیده قطار روحانیلرنی یازگن متن لری کورینه دی کیم بالهلرنی جنسی زورلشی نی تَن آلگنلر.
9-
برازیل اردوسینینگ سابق افسری ژایر بولسونارو نفاق کیلتیرهدیگن صحبتلر بیلن تانیلگن. او رقیبلریگه غلبه قازانیب برزیل جمهور رییسی عنوانیده سیلندی.
اوشبو افراطی سیاستچی سیلاو کمپاینی جریانیده هدف گه دوچ کیلیب و نیچه مدتنی کسلخانه ده اوتکزدی.
اونینگ حرکتلرینی دونالد ترامپ بیلن شباهتی بولگنی سبب اونگه «برازیل ترامپ» لقبینی بیرگنلر. ایتیلیشیچه، اونینگ سیاستلری اینقسه اورته آسیا و یشش محیط خصوصیده بولگن سیاستی آمریکا جمهور رئیسی بیلن بیردیک کورینردی.
10-
2018- ییلده روسیه و چین کته حربی کورگزمه اوتکزدی. بو قوشنی کورگزمه گه «ووستوک 2018» آتی قوییلگن ایدی، 300 مینگ حربی، مینگلرچه تانک، 36 مینگ تیکاوچر، پیاده و زرهی نقلیه واسطهلر بو کورگزمهده اشتراک قیلگنلر.
مغولستان هم قطار حربیلرینی بو کورگزمه گه اشتراک قیلیش اوچون یوبارگن ایدی.
بوندهی بیر حربی کورگزمه 1981- ییل ساووق اوروش جریانیده روسیه تامانیدن یولگه قوییلگن ایدی. بیراق، 2018- ییلده ووستوک حربی مانوریده حربی اشتراکی کینگ ایدی.
11-
امریکا سابق جمهور رییسینینگ آتهسی جورج بوش 2018-ییل نینگ سونگی آیلریده 94 یاشیده دنیادن کوز یومدی.
او 1981-دن 1989-ییل گهقدر رونالد ریکان نینگ اورین باسری ایدی و اوندن سونگ تورت ییللیک بیر دوره ده امریکا قوشمه ایالتلرینینگ 41- جمهور رئیسی صفتیده سیلندی.
اونینگ دورهسیده دنیا معاصر تاریخیده کوپینچه واقعهلر یوز بیرگن. کویتنینگ عراق اردوسی اشغالیدن قوتقریش اوچون خلیج فارسنینگ بیرینچی اوروشی و برلین و سابق شوروینینگ دیواری بوزیلیشی اونینگ دورهسیده یوز بیرگن واقعهلر سنلهدی.
