اوتگن کون دونالدترامپ، هیلاری کلینتون بیلن آغیر بیر سیلاو رقابتلرینی اوتکزشیدن سونگ 276 برقی رأی آلیشی بیلن آق اویگه یول تاتدی. ترامپنی سیلاودن قازانیشیگه امیریکه و دنیا فکر قیلمس ایدی، بیراق او هیلاریدن 61 آواز کوپ آلیب سیلاوگه قازانیشگه موفق بولدی.
ترامپگه قرشیلریدن بیری باراک اوباما ایدی، او سیلاوگه قازانگنیدن سونگ قوتلوغلهدی و کلینتون هم اوز شکستینی قبول قیلیب اهالیدن آرام قالیشلرینی سورهدی.
اوشندهی بولسه هم امیریکه قوشمه ایالت لریدن نیچه تهسی جملهدن نیویورک، شیکاگو و اوکلند کالیفرنیا، سیاتل و پورتلند اورگان شهرلری ترامپ نینگ جمهورلیک ریاستیگه قرشی اعتراضلر شاهدی بولدی.
نیویارکده یوزلرچه انسان «جمهور رییسیمیز ایمس سن!» دیگن شعارلرنی آلیب اعتراض قیلگنلر. شیکاگوده هم امیریکهلیکلر «ترامپ و فاشیستلرنی ایستهمیمیز!» دیگن شعارلر بیلن اعتراض بیلدیرگنلر. ولیکن کالیفرنیا و پورتلند اورگانده اهالی امیریکه قوشمه ایالتی بیراغینی اوتگه تارتدیلر.
