اوتگن کونگی تورکیه پایتختی انقرهده روی بیرگن پارتلهنیش ایزیدن، تورکیه دولتی 3 کون عمومی عزا دارلیک اعلام قیلگن. ناراضیلیک ییغینیده، کیتمه کیت ایکی پارتلهش حادثه روی بیریشی بیلن 97 کیشی هلاک و باشقه 245 کیشی هم تن جراحتی آلگن. یرهلنگنلردن 45 تهسی نینگ ساغلیق وضعیتی یمان ایتیلگن.
بو اعتراضچیلر ییغینی «خلق دموکراتیک حزبی» چقیریغی بیلن چپگرا حزبلر و گروهلر تامانیدن «ایرکین تینچلیک»، ایستکلری اساسیده یولگه قویلگن ایدی. بو گروهلر تورکیه جنوب شرقیده جاری ایتیلگن خشونتلرگه قرشی یوللرگه چیقیب، اوروش بس دیگن شعارلرنی بیرردیلر.
تورکیه جمهور رییسی رجب طیب اوردوغان و بیرینچی وزیری احمد داوود اوغلولر، روی بیرگن حادثهنینگ قارهله دیلر و اوشبو حادثه تورکیه ملی بیرلیگینینگ نابود ایتیش اوچون حرکت قیلهدیگن گروهلرگه نسبت بیردیلر.
خلق دموکراتیک حزبی نینگ باشلیغی صلاحالدین تیمیرتاش هم حادثهنی قتیق قارهلب، تینچ اهالی اولدیریش غیر انسانی و انسان شأنیگه بولمهگن عمل دیب بیلهدی.
ایکی ییل آلدین تورکیه دولتی کوردستان کارگرلر حزبی (پکک) بیلن آتشبش کیلیشمهسیگه قول قویگن ایدیلر.
مذکور کیلیشمه اساسیده، ایکی تامان هم تورکیه دولتی و هم پکک بیراونی تحریک قیلیش اوچون قورالی هجوم اویوشتیریشگه اجازهسی یوق ایدی. اما تورکیه دولتی نینگ مذکور گروه تامان تورکیه جنوب شرقیده اوتکزگن هوایی هجوملری بو کیلیشمهنی اورتهدن ایلتیشگه سبب بولدی و ایکی تامان بیراونی هدفگه آلدیلر.
شو میلادی ییل ایکینچی یریمیدن باشلب خشونتلر شدت تاپگن و تورکیه دولتی کردستان کارگرلر حزبی نینگ جادهلرده بمب قویش، تورک نظامی کوچلر کاروانیگه هجوم اویوشتیریش، تورکیه چیگرهسیدن سوریه تامان غیر قانونی شکلیده باریب کیلیشلری اوچون متهم قیلهدی. اما پکک اوزیگه کیلگن تهمتلرنی رد قیلهدی و تورکیه دولتی کردلرنینگ داعشگه قرشی آلغهیشلرینی کورالمیدی و پکک نینگ داعشگه قرشی حرکتی هوا و ییردن هجومگه آلینیب کیلماقده دیدی.
هردایم تورکیه دولتی چپگرا لر، قرشی گروهلرو حزبلرنی پکک حزبیدن حمایت قیلیشلریگه قارهلب باسیمگه آلهدی. شو ییللرده، خلق دموکراتیک حزبیگه اوخشهگن ایریم حزبلر، سیاسی فعالیت قیلیب اوزلرینی کوچلنتیریشگه اولگوریب تا سیلاو و دموکراتیک حرکتلری بیلن تورکیه ده سیاسی کوچگه ایگه بولماقده ایدیلر. اما کورینیشیچه، بو ایش تورکیه محافظه کار دولتی نینگ قیغوریشیگه سبب بولگن و اولرنینگ بارلیگی عدالت و یوکسهلیش حزبی نینگ قالیشی اوچون کته تهدید بولگن.
خلق دموکراتیک حزبی پارلمانی سیلاودن 71 چوکینی ایگلهشی بیلن جناب اوردوغان نینگ عدالت و یوکسهلیش حزبی کینگشده تضعیف بولدی و حکومتی کوچ سیزلندی. باشقه بیر مهم مساله بودیرکیم، پارلمانی سیلاو نتیجهسی اعلام بولیشی بیلن کرد منطقهلریده بوله دیگن هوایی هجوملرشدت تاپدی، هجوملر عاقبتیده تینچ اهالی و تورکیه جنوب شرقیده جایلشگن قیشلاقلر یشاوچیلریدن کوپلب هلاک بولدی.
شو سونگی کونلرده، چپیلرنینگ تورکیه بویلب نیچه ییغینلری پارتلش و هجوم هدفیگه آلیندی و شو بیلن بیرگه، چپگرا حزبلر و گروهلر فعاللری هلاک بولدی. اینگ سونگی مورد ده، تورکیه چپگرا حزبی نینگ فعاللری اوردوغان نینگ کردستیززانه و ملی گرایانه سیاستلریگه قرشی حرکتلری اوچون ناراضلیکلر بیلدیریش ییغینیده، مذکور گروه فعاللریدن کوپیسی اولیب یرهلندیلر.
شنبه کونگی چپی گروهلر ییغینیده اویوشتیریلگن هجوم عاقبتیده، ایش بیلرمانلر اوردوغان و عدالت و یوکسهلیش حزبی نینگ حکومتی اوز نهایهسیگه ییتگن و خلق رایدن نمایندهلیک قیلیش امکانیتی قولیدن کیتگن دیب بیلهدیلر.
