روشیا تودی خبرنامهسی گزارشی اساسیده، بوگون (یکشنبه) ایرتهلب روسیهنینگ ورونیش منطقهسیده بیر کته یانغین نتیجهسیده، 21 کیشی هلاک بولیب و باشقه 24 کیشی تن جراحت آلگن.
روسیه رسمیلرینینگ گزارش بیریشیچه، 19 کیشینینگ جسدی اوتدن چیقاریلگن؛ بیراق ایکی جسد اوتگه یانیب و شونینگدیک، ایکی کیشی درکسیز بولگن.
اوشبو یانغین بیر عقلی- عصبی کسلخانهده یوزبیرگن. اوشبو کسلخانه ورونیش شهریده اینگ کته کسلخانهلردن بیری دیر و کمیده 700 کسل اونگه یاتقیزیلگن.
روسیه رسمیلرینینگ ایتیشیچه، اوشبو یانغین کسلخانهده ییتکیزیلگن برق سیستمهسی قیینچیلیگی باعث، یوزبیرگن. مذکور کسلخانه آست قوریلمهسی آغاچدن بولگنی سبب، اوت بوتون کسلخانهگه سرایت قیلیب و سقفی توشیشیگه باعث بولگن. ایتیلیشیچه، واقعه تلفاتینی کوپینچهسی کسلخانه سقفی ییقیلیب توشگنی باعث جان بیرگن.
بو بیرینچی مرته کیم، بوندهی بیر یانغین روسیه ساغلیک مرکزیده یوزبیرهدی. ایکی ییل آلدین هم، بیر ساغلیک مرکزیده یوزبیرگن یانغین نتیجهسیده 38 کیشی هلاک بولگن ایدی. شونینگدیک، میلادی 2008- ییل کیکسه کیشیلر اوییدن بیری اوتگه یانیب، 23 کیشی اوتگه یانگن ایکن.
