ترکیه، اسلامی دولت گروهی (داعش) گه قرشی عملیاتلرنی مذکور مملکت و سوریه مملکتی ایچیده یولگه قویدی.
شونینگدیک ترکیه حکومتی بوگون دوشنبه 2 اسد معلوم قیلیشیچه، استانبول شهریده داعش گروهیگه قوشیلیش نیتده بولگن کیشیلر و بو مملکتده عصیانچیلیک فعالیتیگه قول اوروشگه قصد قیلگن کیشیلرنینگ توتقونگه آلیش عملیاتینی باشلهگن.
حاضرگچه 251 کیشی بو عملیاتلر نتیجهسیده توتقونگه آلینگن.
ایتیلیشیچه، بو عملیاتلر، ترکیه حکومتی سوزلاوچیسی تامانیدن مذکور مملکت هوایی کوچلری، سوریه توپراغیده داعش گروهیگه قرشی عملیات باشلهگنی توغریسیده خبر بیریلگن بیرچاغده یولگه قوییلگن.
ترکیه حکومتی سوزلاوچیسیگه کوره، بوگون ایرتهلب 2 اسد، ترکیه اوچاقلری سوریهده داعش گروهینی نشانگه آلگن.
ایتیش لازم، ترکیه اوچاقلری، سوریهنینگ هوایی حریمینی سقلب، مقصدلرینی اوزاقدن هدف آستیگه آلگن.
بوندن آلدین، امیریکه جمهور رییسی باراک اوباما و ترکیه جمهور رییسی رجب طیب اردوغان، چهارشنبه کون، تلیفونی سوزلشوو جریانیده کیلیشیب، امیریکه، ترکیه توپراغیدهگی قرارگاهسیدن ایش آلیب سوریهده داعش گروهینی نشانگه آلیش مسالهسینی بحث قیلگن ایدی.
امیریکه رهبرلیگیدهگی اتفاق، سوریه توپراغیده داعش گروهیگه قرشی هجوم اویوشتیریشگه اوتکن ییل یازموسومیده قرار قیلینگن، بیراق، بو قرار قرهمه قرشیلیکلر بیلن بیرگه بولدی.
دیمک ترکیه، سوریه توپراغیدهگی عملیاتلرگه اشتراک ایتمهگن، بیراق اوز توپراغیدن داعش گروهیگه قوشیلهدیگنلرنی باشقریب داعشگه قرشی اتفاققه یاردم بیرهدی.
بیش کون آلدین (دوشنبه کون) ترکیه نینگ سوروچ شهریده یوزبیرگن پارتلش هجومی نتیجهسیده 30 دن آشهراق کیشی هلاک بولدی و یوزدن آشهراق کیشی یرهلندی. بو واقعه ترکیه خلقی و بیرقطار رسمیلرنینگ تنقیدلریگه دوچ کیلدی.
مذکور مملکت پولیسی واقعهنی تیکشیرگنیدن کیین معلوم قیلیشیچه، قولگه کیریتکن معلوماتلربو هجوم داعش ایشی بولگنلیگینی تصدیق لهگن.
