آلمانده ینگی ییتیب بارگن چیت ایللیک قاچقینلر، مذکور مملکت خلقی تامانیدن تکرارسیز شکلده خوش قرشیلندی.
آلماننینگ مونیخ شهرینی پولیسی رسمی توتیر صحیفهسیده یازیب، قاچقینلرگه یاردم بیریش آزاد دیگنیدن کیین، شهر یشاوچیلری ساوغهلر و یاردملر بیلن قاچقینلرنی خوش قرشی لگنلر.
مونیخ پولیسی، بو موضوع اعلام بولگنیدن کیین، قاچقینلر بوندهی بیر شکلده شهر یشاوچیلری تامانیدن قرشیلنیشینی اویلهمس ایدی.
شهر یشاوچیلری، ییمک مواد، ایچیملی و اولرنینگ بالهلریگه کییم تیارلب، آلمان پولیسینی حیرتگه سالگن.
یاردملر و ساوغهلر اوز حدیگه ییتیشگن، پولیس ناچار خلقدن یاردملرینی توختهتیشینی سورهگن.
مونیخ پولیسی، مذکور شهری یشاوچیلرینینگ قاچقینلر اوچون تیارلگن یاردملری حددن تشقری بولگنلیگی خصوصیده خرسندلیک بیلدیرگن، بیراق تیارلنگن یاردملر ییتیشرلی بولیب و ایرته کیلهدیگن قاچقینلرگه ییتیشینی ایتکن.
آلمان باش وزیری آنگلا مرکل، مذکور مملکتدهگی قاچقینلرگه قرشی حرکتلردن خواطر بیلدیریب، قاقچینلر مقابلیده بولهدیگن عصیانچیلیک خصوصیده آگاهلنتیرگن.
خانم مرکل، اوز خلقیدن قاچقینلرگه قرشی ناراضیلیک نمایشلرگه قوشیلمسلیکلرینی سورهدی.
مجارستان پولیسی، قاچقینلرگه غربی اروپاگه سفر قیلیشگه رخصت بیرگنیدن کیین، قاچقینلر گروهی شکلده آلمان تامان یول آلگنلر.
آلمان مونیخ شهری اصلی قطار ایستگاهسیده سونگی کونلرده، مجارستاندن کیلگن مینگلرچه قاچقینلر حضوریگه گواه بولدی. اوشبو قاچقینلرنی کوپینچهسی سوریه و عراق یشاوچیلری دیر.
دیمک قاچقینلر آلمانده ییتیشگن و کیلهجکلریدن خبرسیز دیر، بیراق اولر تینچ منطقهده ییتیشگنلریدن خرسند کورینهدی.
عین حالده، مجارستان پولیسی اوتکن کون آلمان تامان حرکت قیلهدیگن قاچقینلرگه، قطارگه یقینلشگه رخصت بیرمهگن.
ایتیلیشیچه، حاضرگی کونلرده آلمان کوپینچه قاچقینلرنی قبول ایتهدیگن مملکت دیر. یالغیز میلادی جاری ییل بیرینچی اوچ آییده آلمانگه ییتیب بارگن قاچقینلر سانی 73 مینگ کیشیگه ییتیشگن و بو رقم بریتانیادهگی قاچقینلر(7300) گه قرهگنده جودههم یوقاری دییلهدی.
