آمریکا جمهور باشلیغی دونالد ترامپ نینگ "پنجشنبه" کونی بیر سیلاوی ییغینده ایتیشیچه، آمریکالیک کوچلرنینگ افغانستاندن چیقیش زمانی کیلگن.
جناب ترامپ نینگ کوپهیتیریشیچه، «آمریکا نینگ بیرمدتگچه افغانستانده قالیشی نیاز ایدی، بیراق 19 ییلدن بویان افغانستانده میز. حاضر آمریکا کوچلری نینگ افغانستاندن چیقیب اوز اویلریگه قیتیب کیلیش زمانی کیلگن.»
آمریکالیک کوچلرنینگ افغانستاندن چیقاریش جناب ترامپ نینگ جمهورلیک ریاستی سیلاوی جریانیده اساسی شعارلریدن بیری ایدی.
جناب ترامپ آمریکا و طالبان آرهسیده بولگن تینچلیک سوزلشوولر جریانیده آمریکالیک کوچلرنی افغانستاندن چیقیشی خصوصیده صحبت قیلگن ایدی.
بیراق، آمریکا و طالبان آرهسیده بولگن تینچلیک سوزلشوولر بیر آی آلدین کابل شهریده طالبان گروهی تامانیدن اویوشتیریلگن خودکش هجوم باعث، آمریکا جمهور باشلیغی تامانیدن توختهتیلدی.
ایتیلیشیچه، جناب ترامپ ایکی هفته آلدین طالبان گروهی دن تنقید قیلیب و افغانستاندن تروریسم نابود ایتلگونچه، اوشبو مملکتده بولگن همکارلیکلریگه دوام بیریشینی بیلدیرگن ایدی.
