آلمان استخبارات تشکیلاتی (بی.اف.وی) رسمیلرینینگ ایتیشیچه، قولگه کیریتگن معلومات و حجتلری اساسیده، داعش کوچلری سوریه قاچقینلرینینگ کییمیده آلمان توپراغیگه کیرگن.
مذکور تشکیلات باشلیغی هانس جورج میسننینگ ایتیشیچه، بی.اف.وی، 100 دن آرتیق حجت قولگه کیریتگن اونگه اساس، داعش کوچلری سوریه قاچقینلری بیلن بیرگه آلمانگه ییتیب بارگن.
اوشبو خبر ترقهتیلیشیدن آلدین، آلمان استخبارات تشکیلاتی الجزایرلیک ایکی ایرکک و بیر عیالنی داعش بیلن علاقهلری بارلیککه عیبلب قولگه آلدی و بوندن کیین، مذکور مملکتنینگ اتندورن و هانوور اردوگاهلریده شبههلی فعالیتلردن خبر بیرگن.
قاچقینلیک قیینچیلیگی، اروپایی مملکتلرده جنایتلر رقمی آشگنی و تروریستی هجوملر یوزبیریشی خصوصیدهگی خواطرلرنی کوپهیتیرگن. آلمان باش وزیری انگلا مرکل، قاچقینلر برابریده چیگرهلر آچیقلیگی باعث، نیچه مرته تنقیدگه دوچ کیلگن.
بوندن آلدین ترقهتیلگن گزارشلرده، داعش کوچلری عیاللر کییمیدن فایدهلنیب ترکیهگه قاچگن و او ییردن قاچقینلر بیلن بیرگه اروپایی مملکتلرگه تامان یول آلهدی. عین حالده، مذکور مملکتلرنینگ کوپینچه یاشلری اوز ایستهگی بیلن مذکور گروهگه قوشیلیب عراق و سوریهگه ییتیب بارگنلر.
داعش میلادی 2006- ییل عصیانگرچیلیک عقیدهسی بیلن عراقده تشکیل ایتیلدی و میلادی 2013- ییل اداغیده عراقده هجوم اویوشتیریب دنیا دقتینی جلب ایتدی. اوشبو گروه اوتگن ییل جون آییده موصل شهرینی نظارتگه آلیب دنیا بویلب خبرلرگه باش خط بولدی.
