.jpg)
بریتانیا ساغلیقنی سقلش وزیری مت هانکوک نینگ اعلان قیلیشیچه، کرونا ویروسی واکسینی نینگ انسانگه سینهش ایرته "پنجشنبه" کونی آکسفورد بیلیم یورتیده باشلنهدی. آکسفورد بیلیم یورتی اعضالریدن بیری نینگ ایتیشیچه، اوشبو سینهش نتیجه بیرگن صورتده، مذکور واکسین اهالی اختیاریگه قرار بیریلهدی.
جناب هانکوک نینگ ایتیشیچه، دولت اوشبو واکسیننی توزهتیش اوچون 20 میلیون یورو اجرهتگن و ینه 22 میلیون یور بیلیم یورت تحقیقچیلریگه اختصاص بیرگن.
آکسفورد بیلیم یورتی نینگ واکسینولوژی بیلیم دانی سارا گیلبرت نینگ ایتیشیچه، تاثرلی بیر واکسیننی توزهتیش 18 آی دوام قیلهدی، بیراق اولر سپتامبر آی گچه مذکور واکسینی سیناودن اوتکزیشگه تیار دیر.
بریتانیا ساغلیقنی سقلش وزیری نینگ ایتیشیچه، اوشبو واکسینی تولید قیلیش خصوصیده دولت ییترلیچه سرمایه یاتقیزگن و بو واکسینی تیزلیککه بریتانیا و دنیا اهالیسی اختیاریگه قرار بیریلیشی کیرهک.
.jpg)
جناب هانکوک نینگ اوشبو واکسین خصوصیده ایتیشیچه، بو واکسین حاضرگهقدر ایشانچیلی ایمس؛ چونکه تجربهلرگه قرهگنده بیرقطار واکسین نینگ سینهشی نیچه مرته نتیجه سیزقالهدی.
آکسفورد تیمی اعضالریدن باشقه بیری پروفیسور آندرو پولاد نینگ ایتیشیچه، بوتوغریده قیینچیلیک چیقمهگن صورتده، جاری ییل خزان موسومیگهقدر اوشبو واکسین دن میلیونلرچه توزهلیشی ممکن.
عینحالده، جناب هانکوک نینگ ایتیشیچه، بریتانیا اوشبو واکسینی توزهتیشگه موفق بولگن صورتده، اقتصادی لحاظ دن کته منعتگه قول تاپهدی.
جناب هانکوک نینگ تاکید قیلیشیچه، کرونا ویروسی بشریت نینگ اینک کته دشمنی دیر، بیراق اولر بو دشمننی شکست بیریشگه موفق بولهدی.
هانکوک نینگ کوپهیتیریشیچه: «قولیمیزدن کیلگن ایشنی انجام بیریشیمیز کیرهک و اویده قالیشیمیز کیرهک.»
