روسیه ملی مدافعه وزیرلیگی نینگ یوقاری مرتبهلی رسمیلری، 154 تیپلی تویولوف حربی اوچاق 20 دقیقه آلدین سوچی آدلر قونالغهسیدن اوچگندن کیین قاره دینگیزگه قولهگن لیگی حقیده خبر بیردی. اوچاقده 91 یولاووچی بارلیگی ایتیلگن.
اوچاقده 8 خادم، 9 خبرچی و الکساندروف موسیقه گروهی نینگ اعضالری شامل بیر قنچه یولاووچیلر بارلیگی روسیه مدافعه وزیرلیگی نینگ سوزلاووچیسی ایگور کاناشنکوف تامانیدن تصدیق ایتیلدی. بو حربی اوچاق بوگون ایرتلب قولهگن لیگی تاکیدلنهدی.
روسیه مدافعه وزیرلیگی مذکور حربی اوچاقنینگ قالدیقلری قاره دینگیزنینگ 70 متر چقورلیگیده تاپیلگن لیگینی معلوم قیلگن.
ایریم گزارشلرده، اوچاق روسیهلیک حربیلرنی سوریهنینگ لاذیقه ولایتیگه ییتکزیش مقصیده اوچگنلیگی ایتیلگن.
شونینگدیک الکساندورف موسیقه گروهی میلادی ینگی ییل مناسبتی بیلن سوریهده ییرلشگن بو مملکت حربیلریگه کانسرت اجرا قلیشی ریجه لنتیریلگنلیگی ایتیلماقده.
