غزنی شهرینینگ یشاووچیلری بیر کیلووات برقنی 35 افغانیدن 40 افغانیگچه آلهدیلر، شونگه قرهمهی اویلری منتظم روشده 24 ساعت یاروغ ایمس لیگینی ایتهدیلر.
اهالیگه کوره، برق بهاسی یوقاری بولگن سبب برقی اوسکونهلرنی ایشلتمسلیککه اولگورگنلر. فقط قیسقه مددت اویلرینی یاروتیهدیلر تمام.
اهالی، خصوصی شرکتلر برق بهاسینی قنچه ایستهگن حالده اهالیگه ساتیشگه حرکت قیلهدی دیگنلر. غزنی یشاوچیلری برقدن کوره شمع یاروغی یخشی ایکن لیگینی بیلدیرهدیلر.
غزنیلیک سوداگرلرهم برق قیمتی یوقاریلیگیدن شکایت ایتگنلر.
غزنی تجارت اتاقی نینگ عامل مدیری وحیدالله وصال مذکور ولایت تجارت همده سوو تحصولاتی ایشلب چیقاریش اوچون مناسب محل بولمس لیگیگه قرهمهی، اما برق سیزلیک غزنی صنعتی شهری ایشدن قالیشیگه باعث بولگن دیدی. اونلب سرمایه یاتقیزووچی سرمایه یاتقیزیدن واز کیچگن دیدی او.
ولایت اهالیسی برق ساحهسیدهگی قیین چیلیکلرینی اعتراف قیلگن ولایت برق ادارهسی نینگ باشلیغی جان محمد، غزنی خلقی نینگ 20 فایزی دولت برقی دن فایدهلنهدی دیگن. او، غزنی ولایتیگه قوشنی دولتلردن برق آلب کیلینیشی بیلن اهالینینگ بو خصوصدهگی معماسی برطرف ایتلیشی ممکن دیگن.
