هنگری باش وزیری ویکتور اوربان، اروپا اتفاقی تمانیدن قاچقینلر سهمیه اساسیده بولینیشلری اوچون بیلدیرگن لایحهسی بو مملکت ملی مجلسی تامانیدن تصدیقلنمهگن حالده، بیر نوع زوروانلیک دیگن.
اوتگن کون (چهارشنبه) اتریش پایتختی وین شهریده اروپا بیرلشمهسینینگ اون اعضاسی بیلن ییغین اوتکزیب سوزلهگن جناب اوربانگه کوره، «قاچقینلر اوچون نظرده توتیلگن اولوش» مملکتی خلقی ایچیده دستلب ریفرندومگه قوییلیشی ممکن.
شونینگدیک اروپا بیرلیگینی عیبلهگن هنگری باش وزیریگه کوره، اروپا اتفاقی قاچقینلر اوچون نظرده توتگن اولوشی (سهمیه) اروپاده قومی، مذهبی، فرهنگی کیملیکنی اورتهگه چیقارهدی.
اما، اتریش ایچکی ایشلر وزیری جوهانامیکینینگ سوزلریگه قرهگنده، اروپا اتفاقینینگ قالمیشی قاچقینلر مسالهسینی حل قلیش ادارهسیگه توغریدن – توغری تیگشلی دیر.
قاچقینلر اوچون سهمیه بندلیک طرحی عملگه آشیریلگن حالده، هنگری حکومتی فقط 1200 قاچقیننی قبول قیلهدی. اما، بو مملکتنینگ یوقاری مرتبهلی رسمیلری سهمیه بندلیکلر اوزگرمسلیگی توغریسیده خواطرده لر.
شونینگدیک یوناننینگ برچه چگیرهلری اروپا دولتی برابریده یاپیگن. شونینگدیک مذکور مملکت دنیا بویلب قاچقینلر اوچون ییریک مرکزگه ایلنمسلیگی بارهسیده بعضی خواطرلر موجود.
اروپا مملکتلرینینگ چیگرهسی یونان و مقدونیه بیلن باغلگن بیر پیتده کوپچیلیگی افغانستانلیک مهاجرلردن عبارت 9 مینگدن آرتیق قاچقین سیمتیکان توتیلگن چیگرهلرده تقدیرسیز قالگنلر.
اروپا بیرلیگی سهمیه بندلیگی لایحهسی برابریده اتریش، بلغاریا، کرواسی، اسلوونی و باشقه ممکتلر جملهدن آلبانی و صبرستان قول قویگن. بو کیلیشوو اساسیده نیچه آیدن بیری بو مملکتده قالگن قاچقینلرنینگ قاچقینلیک درخواستی رد بولیب، او اوشبو دولتلردن چیقاریلهدی.
