ترکیه دولت رسمیلری، اوچ انتحارچی شخص یانیده بولگن پارتلاووچی ماده لرنی استانبول قونالغهسی کیریش سالونی نینگ ایشیگیدهگی پارتلهتیب یوبارگن لیگینی ایتگنلر.
هجوم نتیجهسیده 36 انسان قربان بولگن و کمیده 150 کیشی آغیر یینگیل یرهلنگن. عینی گواهلر دستلب هجوم قوراللنگنلرنینگ بیریسی تامانیدن اوق اوزیلیشی بیلن باشلهنیب، کیین اوچله هجومچی هم اوزینی سالوننینگ کیریش ایشیگیده پارتلهتیب یوبارگن.
محلدهگی رسمیلر، پولیسنینگ بو توغریده آلیب بارگن سعی وحرکتی نتیجه بیرمهگن دیدی.
هجوم مسوولیتینی داعش گروهی اوز ذمهسیگه آلگن. میلادی جاری ییل نینگ مارچ آییده هم داعش گروهی منه شو کبی خودکش هجومنی بروکسل قونالغهسیده صادر قیلگن ایدی. واقعه ده 16 کیشی هلاک بولیب، اونلب انسان یرهلنگن ایدی.
دستلب هجومده پ ک. ک نینگ قولی بارلیگی گمان ایتیلگن ایدی؛ لیکن، نامی فاش ایتیلمسلیک شرطی بیلن اخبارات واسطهلریگه گپیرگن ترکیهنینگ بیر رسمیسی، مذکور حرکتنینگ کیشیلری فقط ترکیه حکومتی بلند مرتبهلی رسمیلرینی نشانگه آلهدی دیگن.
