بوکو حرام گروهی جمعهکیچهسی، کریسمس بیرهمی عرفهسیده نیجریهنینگ شمال شرقی جایلشگن بیر قیشلاقده 16 کیشینی آتیب اولدیرگن.
تلگراف کوندهلیگینینگ «کیمبا» قیشلاغیدهگی عینی گواهلرگه اساسلب یازیشیچه، بوکو حرام جهادچیلر گروهی کیچه ساعت 10ده بایسکلگه منیب بورون منطقهسیدهگی قیشلاققه هجوم قیلگنلر. اولرنینگ ایتیشیچه، هجومچیلر تامانیدن نیچه ساعت قورشاوگه آلینگن قیشلاق اهالیسی اوز ییش اوی جایلرینی ترک قیلهدیگن چاغده آتیب اولدیریلگنلر.
محل اهالیسیگه کوره، هجومچیلر محلنی ترک قیلگندن سونگ حادثه ییریدن هلاک ایتیلگن 16 کیشی و یرهلنگن 14 نفر شفاخانهگه ییتکزیلگن. ایتیلیشیچه، اولدیریلگنلرنینگ 6تهسی عیال بولیشی ممکن.
هجومنینگ عاملی هنوزگچه معلوم بولمهگن. اما، بوکو حرام محل اهالیسینینگ فرزندلری مکتب باریشی اوچون بو هجومنی عملگه آشیرگنلیگی گمان ایتیلهدی. بوکو حرام یا «الجماعة أهل السنة للدعوة والجهاد» اسلامی بیر اشدّی گروه سنهلهدی. بو گروه 2006- ییلده نیجریه شمالیدهگی نفوذلی شخصیت بولگن محمد یوسف تامانیدن تاسیس ایتیلگن. مذکور گروه مسلمانلرنی ایریم مسالهلرگه حصه قوشیشلرینی جملهدن سیاسی و اجتماعی فعالیت، رای بیریش و مکتب باریش بوتونلی حرام دیب بیلهدی. بو گروه نیجریه یا باشقه دولتلر بیلن هم هر دایم بوکبی مسالهلر اوستیده اوروش اعلان ایتیب کیلگن.
بوکو حرام نجیر، چاد کامرون شمالیده فعالیت قیلهدی. ایتیلیشیچه، مذکور گروه بوندن آلدین القاعده بیلن علاقهسی بولگن. شونینگدیک بوکو حرام 2015- ییلده وجودگه کیلگن داعش رهبری ابوبکرالبغدادیدن بیعت قیلگن.
مذکور گروهنینگ مالی امکانیتی قاچاق و آدملرنی گروگان آلیش بیلن تامین ایتیلهدی.
عین حالده، امریکه قوشمه ایالتلری 2013- ییلده مذکور حرکتنی ترورچیلر قاره رویخطیگه آلگن ایدی.
عین حالده، بوندن نیچه وقت آلدین نیجریه جمهور رییسی محمدو بوهاری بیر خبرنامه ترقهتیب بوکو حرام فنی شکلده نابود ایتیلگن دیگن ایدی.
