استرلیانینگ ملبرون شهری بوگون (یکشنبه) ایرتلب ایکّی یول یوریشنینگ گواهی بولدی. عمومی سانی 300 کیشی بولگن بیرینچی بولیم اسلامگه قرشی شعار بیرگنلر. ایکینچی گروه ایسه اخیرگی وقتلرده نژادپرستلیک حکومت اوچ آلگن لیگیگه قرشی اعتراض بیلدیرگنلر.
نمایش بیرینچی گروه قوللریده گی یغاچلر بیلن ایکینچی گروه اعتراضچیلریگه هجوم قیلگن بیر چاغده روزوانلیککه ایلنگن. پولیس ایکی تامان اعتراضچیلرینی ترقهتیب یوباریش اوچون کوزنی یاشلتیوچی گازنی ایش گه سالگن.
باشقه بیر خبرده ایسه، اوتگن کون اولکه سیور بیرلیک جبههسینینگ بیر قنچه اعضاری ملبورن شهرینینگ اطرافیده یوریب نمایش اوتکزگنلر. استرلیا اولکه سیور بیرلیک جبههسی مهاجرلر و اسلامچیلرگه قرشی تورگنلرگه ضد تشکیل بولگن.
استرلیا باش وزیری مالکوم ترنبول، اخیرگی کونلردهگی روزوانلیکلرگه عکس العمل بیلدیریب، استرلیا نیچه مدنیت و فرهنگگه ایگه مملکت بولگنلیگی اوچون ییریک مدنی موفقیتلرگه نصیب بولگن دیدیگن.
جناب ترنبول گه کوره، باشقه بیراو نینگ مدنیت و فرهنگی حقارت قیلیش اوچون هیج کیم نینگ حقی یوق دیگن.
اورته شرقده اسلامی دولت گروهی (داعش) شکللهنیشی بیلن آسترلیاده مسلمانلرگه قرشی زوراونلیکلر میزانی آشگن. سیدنی بیلیم یورتی آرقهلی اوتکزیلگن عمومی سواروده، استرلیالیک مسلمانلر سابق لردن کوره، کوپراق زوروانلیک و حقارت لهنیش گه روپه ره بولگن لیکلری بیلدیریلگن.
