امیریکه تشقی ایشلر وزیری جان کری، ایران بیلن هستهیی مذاکرهلر بارهسیده ایتیشیچه: «بیز ایراننینگ هستهیی قورالگه قول تاپیش بارهسیده تورت یولنی توسیب قالماقده میز. اگر بوبارهده کیلیشمه دیک، اونده مذاکرهدن قول کوتارهمیز. شو اوچون، بیز فقط بیریخشی کیلیشیک ایستهیمیز».
جناب کرینینگ کوپهیتیریشیچه: «حاضرهم کوپلب قیینچیلیکلرموجود. اگر ایکی تامان کیرهکلی قیین تصمیملرنی آلیشگه کیلیشسه، شوهفته کیلیشیک نتیجه سیگه شاهد بولهمیز. دیمک بونقه بولمه گن صورتده، کیلیشمسلیگیمیز کوتیلهدی».
بوگون دوشنبه ایران تشقی ایشلر وزیری محمدجواد ظریفنینگ وینده قدر کیچهسی مناسبتیده چیقیش قیلیب ایتیشیچه: «قالگن ایریم قرمه قرشیلرنی حل ایتیش اوچون کورهشیب بارماقدهمیز، اما حاضرهم ایریم بولیملرده قرمه قرشیلیکلر قالگن».
شونینگدیک امیریکه تشقی ایشلر وزیرینینگ ایتیشیچه، کیلیشیکلر نهایهسی (7-جولای) تعیین بولگن و قالگن زمان توگلمهسی فرصتدن فایدهلنیب نتیچه گه ایریشماقدهلیکلری کوزه تیلهدی.
ایتیلیشیچه، بوگونکی دنیا قدرتلی مملکتلری ایران اوستیگه فشارنی کوپهیتیریب بارماقدهلر. اروپا اتحادیه سینینگ تشقی سیاستلر باشلیغی فدریکا موگرینینینگ ایتیشیچه: «مینینگ پیامیم شودیرکی کیلیشیک باید بولسه ایدی، شوبوگون ایدی. مسأله، سیاسی تصمیم آلیش دیر باید حاضر آلینسه».
اما ایران تشقی ایشلر وزیریگه کوره، غرب باید فشار بیلن کیلیشیک بیرینی انتخاب قیلسه.
تشقی ایشلر وزیرلرینینگ بومرته بیرینچی اولتیریشلری
شونینگدیک، 5+1 اولکهلر تشقی ایشلر وزیرلری بومرته اروپا اتحادیه سینینگ تشقی سیاست مسؤولی حضوری بیلن اتریش اولکه سینینگ وین شهریده بولیب اوتماقده.
امیریکه تشقی ایشلروزیری شنبه کونگی وین شهریده کیلگنی و حاضرگه قدر نیچه مرته ایران تشقی ایشلر وزیری بیلن اوچرهشگن.
اوتگن کون (5- جولای) فرانسه و آلمان تشقی ایشلر وزیرلری، لوران فابیوس و فرانک والتر اشتاینمایر و اروپا اتحادیه سینینگ تشقی سیاستلر مسؤولی فدریکا موگرینی بیلن امیریکه و ایرانلیک تینگ داشلری بیلن وینده قوشیلدیلر.
شونینگدیک روسیه، چین و بریتانیا تشقی ایشلر وزیرلری سرگی لاوروف، یانگیی وفیلیپ هموند لر بوگون ایرتهلب وینده ایران هستهیی مذاکرهسی بولیب اوته دیگن کوبورگ هوتلیده باردیلر.
چین تشقی ایشلر وزیری ویندگه باریشی بیلن «ینگی آلغه باریشلر اوتگن کونلرده قولگه کیریتیلگن مذاکرهلرده کورینهدی و حاضرهم ایریم موضوعلر قالگن» دیدی.
یانگیینینگ ایتیشیچه، اینگ مهمی شودیرکه بوگون و ایرته امیریکه و ایران باید اوز نهایی تصمیملرینی آلسهلر و اونینگ ایتیشیچه، «مین بوگون کیلگن من تا چین اولکه سینینگ بوتوغریده تیارگرلیگی و یوتوقلرنی کورگوزمه گه قویسم».
مذکور مذاکرهدن هدف، ایران هستهیی فعالیتینی محدود قیلیش و بو اولکه گه کیلگن تحریملرنی اورتهدن ایلتیش بولگن.
