پاکستان پنجاب ایالتی ایچکی ایشلر وزیری شجاع خانزادهنینگ دفتریده یوزبیرگن خودکش هجوم نتیجهسیده خانزادهنینگ قوشیمچه 10 کیشی هلاک بولدی.
پاکستان میدیاسی گزارشیگه کوره، اوشبو خودکش هجوم، اتک منطقهسی شادیخان قیشلاغیده خانزاده کوپچیلیک کیشیلر اشتراکیده ییغین اوتکزهدیگن بیرچاغده یوزبیرگن.
پاکستان رسمیلرینینگ ایتیشیچه، بوندن آلدین نیچه مرته شجاع خانزادهگه امنیتی چاره تدبیر کوریشی خصوصیده خبر بیریلگن.
گزارشلرگه کوره، ایکی خودکش هجومچی اونینگ اویگه کیریب اوزلرینی پارتلگن.
مذکور پارتلش نتیجهسیده، تام نینگ اویی نورهب توشگنی نتیجهده شجاع خانزاده، باشقه قوروقچیلری و حضرو منطقهسی پولیس عسکرلریدن بیری یوک آستیده قالیب اولگنلر.
باشقه تاماندن، خانزادهنینگ اوغلی سهراب خاننینگ ایتیشیچه، پارتلش هجوم یوزبیرگن چاغده، کمیده 50 کیشی آتهسینینگ اطرافیده بولگن.
پاکستان باش وزیری نوازشریف، بو واقعه توغریسیده تأسف بیلدیریب، اونی قارهلهگن.
حاضرگه قدر بو هجوم مسوولیتینی هیچ بیر گروه بوینیگه آلمهگن.
بوندن کیین، پاکستان حربیسی شمالی وزیرستانده طالبلرگه قرشی «ضرب عضب» ناملی بیر عملیات یولگه قویگن، بو بیرینچی مرته پاکستاننی تینچ شهری پنجابده خودکش هجوم یوزبیرهدی.
سونگی گزارشلرگه کوره، واقعهده قربان بولگنلر سانی یرهلنگنلر وضعیتی یمان بولگنی باعث، کوپهییشی ممکن.
