سوریه تینچلیک مذاکرهسی سوریهلیک کرد رهبرلری مملکت شمالیده علیحده فدرال حدود اعلان قیلیش نیتلری بولگن بیر چاغده توختهتیلدی. بو حقدهگی قرارگه اولر سوریه حکومتی و مخالفت اورتهسیده «بی می تی» واسطهچیلیگیده ژینوده اوتکزیله یاتگن مذاکرهلر تشقریسیده قاله یاتگن لیکدن کیین کیلگنلر.
سوریه شمالیده یرهتیلهجک بو حدود ده کردلردن تشقری ترکمنلر و عربلر هم یشیدی. فدرال حدود حقیدهگی بیانات کردلرنینگ سوریه شمالیدهگی رملان شهریده 16 مرته باشلنگن کنفرانس یقینده قبول قیلیشی کوتیلماقده.
عین حالده، بیرلشکن ملتلر تشکیلاتی روسیه و امریکه قوشمه ایالتلریگه تیهنیب، مملکتده برقرارلیک اورنهتیش اوچون مذاکره قیلووچیلرنی باسیم آستیگه آلیشی کوتیلردی.
سوریه تشقی ایشلر وزیری ولیدالمعلم نینگ اخیرگی وقتلرده بیر قنچه غرب مملکتلری و بیرلشگن ملتلر تشکیلاتی مسووللرینینگ سوریه فدرالی مسالهسینی اظهار ایتگنلیکلری توغریسیده اشاره قیلیب ایتیشیچه، رسمی دمشق هیچ بیر زمان سوریه فدرالی حدودگه ایلهنیشنی تن آلمیدی.
