رباتلرنینگ آتهسی و فنی بیلیملر بیلیم دانی ماروین مینسکی، (یکشنبه کون) کیچ قورون امیریکهنینگ ماساچوست ایالتیده 88 یاشیده عالمدن اوتدی.
«بیرباله، بیر لپتاپ» مؤسسهسی اساسچیسی نیکلاس نگروپونت، مینسکینینگ عالمدن اوتگنی توغریسیده ایتیشیچه، «دنیا بیلیم خصوصیده اینگ کته سرمایهلریدن بیرینی قولدن بیردی».
ماروین مینسکی، میلادی 50- دهه آخرلریده، کمپیوتر ینگی ایشلب چیقاریلگن چاغیده، فکر قیلهدیگن ماشین توزهتیشی توغریسیده اویلردی. او آلبرت انشتین نسلیدن بولهدی. دیمک انشتیننینگ، آغیر آلمانی لهجهسی بو ایکاوینینگ همکارلیگیگه توسیق بولدی؛ بیراق مینسکی، کمپیوتر نابغهسی جان وننینگ، صمیمی اورتاقلریدن بیریگه اوزگردی.
مینسکی، «اجتماعی توشینچه»، «تویغو ماشینی» و «فکرلی کمپیوتر» ناملی اوچ کتاب یازیب چیقاردی. مذکور کتابلر حاضرگچه رباتیک بیلیمی خصوصیده، قیمتلی خزینهلردن سنلهدی.
رُباتلرنینگ آتهسی، سناقسیز ساورین و اختراعلرنی اوز آتیگه ثبت ایتگن. بو جملهدن صنعی قول و باشقه رباتیک قطعهلر، کوچلی و دقتلی میکروسکوپ و باشقه رباتلر دنیاسیگه تیگیشلی باشقه اسکونهلردن عبارت. شونینگدیک، مقالهلری و اختراعلری باعث، امآیتی بیلیم یورتی و جاپان بیلیم یورتلریدن ایری ساورینلرنی قولگه کیریتگن.
ماروین مینکسی، اولیمیدن بیر آی آلدین واشنگتن پست کوندهلیگینینگ خبرچیسی بیلن اوتکزگن صحبتیده، بیر رمان یازووچی اورتاغی رباتیک بیلیمی خصوصیده توشینچه بیرگنینی ایتگن.
رباتلرنینگ قری آتهسی، انسان و ربات کیلهجکی توغریسیده سوزلهگن: «دیمک زمان اوتیشی بیلن انسانلردن کوره ماشینلر چقان و سیزرلی بولیشی ممکن. خیالی حکایهلرگه قرهگنده، ماشینلر بشری کوچلرگه اوزگرهدی؛ بیراق مینیمچه ماشینلر زیان ییتکیزمهیدی؛ دیمک ماشینلر فایدهلنیشیدن آلدین، انسانلرنینگ به تفصیل دقیق سیناویدن اوتکزیلهدی».
