.jpg)
امیریکه بیرلشمه ایالتی ویزه قانونلریدن ایریمیگه اوزگریش کیلتیریب، بوندن کیین کوپلب اولکهلر مسافری اوچون اوزلوک چیکلش کیلتیرهدی. اوزگریش کیلتیریلگن چیکلش مادهلریده دنیا بویلب اوتمیشده امیریکه کیلهدیگن 38 اولکه یشاوچیلری اوچون 90 کونلیک ویزهگه احتیاج بولمهگنلیگی ایتیلگن ایدی، بوندن کیین مذکور اولکه ایلچیخانهلریدن ویزه آلیشگه تکلیف بیریلهدی.
شونینگدیک اوتمیش 5 ییلده مذکور 38 اولکهلردن (سوریه، افغانستان، عراق، مرکزی افریقا، سومالی) خوفلی اولکهلرده سیاحت قیلگن صورتده، ویزهلری یانیده انتر پول پولیسیگه شخصی معلومات بیریشی لازم دیب تأکید ایتیلگن.
بو اوزگریش پاریس حادثهسیدن سونگ چیقاریلگن و بوندن هم آرتیق راق شدتلهنیشی کوتیلهدی.
کیلتیریلگن چیکلهنیشده مسلمانلر اینیقسه سوریه یشاوچیلری بارهسیده بولیشی امیریکه یشاوچیلرینینگ خوش قرشیلشلری بیلن روپهره بولگن، بیراق دموکرات سناتورلردن کوپیسی بو چیکلهنیش راپورترلر و تدقیقچیلر اوچون مستثنا بولیشینی ایستهگنلر.
.JPG)
پاریس شهریده 22- عقربده اویوشتیریلگن قطار هجوملر، آلتی تارتیش و ایکی خودکش هجوم اوتکزیلگن ایدی. بیرینچی پارتلش فرانسه ملی استدیومی یقینیده بولیب فرانسه و آلمان تیرمه جماعهسی بیلهشوویلری و فرانسه جمهور رییسی فرانسوا اولاندنینگ هم محلده بولگنلیگی ایتیلگن ایدی. ایکینچی پارتلش 15 دقیقهدن سونگ اوشبو محلده روی بیردی.
پارتلشلردن کیین، پاریس ایریم ییریده آلتی مرته اوق اوزیش روی بیردی. ایریم رسانهلر جهادی دیب بیلهدیگن قورالی شخصلر، باتاکلان کنسرت سالونیده کیریب، 1500 کیشینی قورشاوگه آلگن ایدیلر. پولیس نینگ بو قورشاو یکونلنتیریش جریانیده 5 هجومچی شامل 100 کیشی هلاک بولیشیگه سبب بولدی.
شونینگدیک کامبوج رستورانتیده 14 و شارون جادهسیده 18 کیشی اوق اوزیش نتیجهسیده هلاک بولدی.
دنیا بویلب بو حادثه خواطرلر توغدیردی و اروپا و غرب اولکهلری تامان باریش کیلیش قیینچیلیکلری بیلن روپهره بولدی.
