عراق بیر بیانیهده، اوشبو مملکت توپراغیدن، ترکیه حربی کوچلری چیقیشی خصوصیده، 48 ساعت وقت بیرگن. عراق باش وزیری حیدر عبادینینگ دفتری، اوشبو بیانیهنی نشر ایتیب آگاهلنتیریشیچه، ترک کوچلری تعیین ایتیلگن پیتگه قدر عراق توپراغینی ترک ایتمهگن صورتده، عراق هیچ بیر سیاسی مسئله جملهدن بیرلشگن ملتلر تشکیلات امنیت کینگشیگه رسمی شکایت قیلیشدن وازکیچمهیدی.
اوشبو بیانیهگه جواب، ترکیه باش وزیری احمد داوود اوغلونینگ ایتیشیچه، ترک کوچلرینینگ، عراق توپراغیده یالغیز بیر وقتینچهلیک و عادی قرارگاهسی بار، او هم اوزاق مدتلردن بویان بولیب و داعش گروهیگه قرشی کورهشیش خصوصیده، اوز اختیاریده کیلگن ناقانونی کوچلرگه تعلیم بیرهدی. بیراق جناب اوغلونینگ کوپهیتیریشیچه، بغداد اچیغی پسهیگنگهقدر، اوشبو مملکت توپراغیگه انقره آرتیق کوچ یوبارمهیدی.
باشقه تاماندن، عراق مدافعه وزیری خالد العبیدی، تُرک همکسبی ایلماز بیلن صحبت اوتکزگن چاغیده، اورگهتیش قرارگاه ده تُرکیه کوچلرینینگ رقمی کوپهیتیریلیشی خصوصیده، ناراضیلیک بیلدیریب و اوندن تیزلیکده، اوز کوچلرینی عراق توپراغیدن چیقاریشینی سورهگن.
تُرک عسکرلریدن کیچیک گروهی موصل بشیقه منطقهسیده نیچه آیدن بویان ناقانونی حربیلر اینیقسه کُرد پیشمرگهسی و عراق حاشد وطنی کوچلریگه حربی تعلیمات بیرهدی. بیراق، ایتیلیشیچه، حاضر اوشبو قرارگاه ده تُرک عسکرلرینینگ رقمی 600 عسکر و 25 تانگگه ییتیشگن.
