حاضرگه قدر نیپالده 7.9 درجهده کوچلی ییر قلتیرهش عاقبتیده 1500 کیشی هلاک بولگن. ایتیلیشیچه، حادثهده هلاک بولگنلر سانی آشیشی کوتیلماقده.
گزارشلرگه کوره، نیپال پایتختی کتماندو و ایریم شهرلریده ییر قلتیرهش پیتی شنبه کون ساعت 11 ده قید ییتیلگن.
نیپال رسمیلریگه کوره، مذکور مملکتده اوتمیش 80 ییل جریانیده، اینگ کوچلی ییرقلتیرهشی ایتیلگن.
مذکور حادثه مرکزی، نیپال پایتختی کتماندو بیلن اولکه غربی دهگی پوکارا شهری بولگن لیگی تصدیقلنگن.
قلتیرهگن محلهلر یشاوچیلری حادثه روی بیرگن بیرچاغده جادهلرده چیقگنلر.
مذکور اولکه محلی رادیولرینینگ اعلام قیلیشیچه، خطرده بولگن محله یشاوچیلری اولتیریش اویلرینی ترک ایتیب امن منطقهلرده باریشلری کوزهتیلگن.
ایتیلیشیچه، بیرینچی ییر قلتیرهشدن کیین، ایکینچیسی 6.6 درجهده روی بیرگن.
مذکور ییر قلتیرهشده کتماندو و نیپال باشقه شهرلرینینگ ساختمانلری چوبهلیب توشگن و حاضرگه قدر چوبهلیب توشگن منطقهلر آستیده قالگن جسدلر سانی انیق ایمس.
بو ییر قلتیرهش کوچلی بولگنلیگی سبب، هند اولکهسی هم آسیب کورگن و حادثه عاقبتیده 13 کیشی هند اولکه داشلریدن جان بیرگن.
موندن آلدین هم میلادی 1934- ییل مذکور اولکهده ییر قلتیرهش عاقبتیده 10 مینگگه یقین انسان هلاک بولگن ایدی.
حاضرگه قدر حادثه ایزیدن بریتانیا بیرینچی وزیری دیوید کامرون و هند جمهور رییسی نرندرا مودیلر اوز قیغوداشلیکلرینی اظهار ایتگن و آسیب کورگنلرگه تیز یاردم بیریشلریدن خبر بیرگنلر.
