اوتگن کیچه (میهن پرستی) «پاتریوت اکت» برنامهسی نینگ مهلتی اوز پایانیگه ییتدی. مذکور برنامه نی تطبیقی دوام ایتمه گنده و «فریدام اکت» لایحه قانونی تصدیقلنمه گنده امریکا خوفسیزلیک ادارهسی بوندن بویان تیلفونی سوزلشوولرنی تینگلش امکانیتی اوچون رخصت بیرمیدی.
بو قانون عملگه آشیریلمه گن حالده، یازیب آلینگن سیسلر دادگاه نینگ حجتی اساسیده امریکه ملی امنیت ادارهسی اختیاریگه قوییلیشی ممکن.
سی آی ای یا امریکا جاسوسلیک ادارهسی نینگ رییسی جان برنان پاتریوت اکت برنامه سی توختهتیلیشی نی بیر خطا دیب ایتیشیچه، « ترورچیلر همده عصیانچیلر دنیانی همه ییرینی آلگن بیر چاغده مملکت بر قرارلیگی اوچون بوندهی لایحهنی تطبیق ایتیلیشی لازم.
2016-ییل جمهور رییسلیک سیلاولر نامزدی همده جمهوریتچیلر سناتورلریدن بیری راندپل، «فریدام اکت» قانونی نینگ طرفدارلریدن دیر. او، مملکت ملی خوفسیزلیک ادارهسی تامانیدن خلق نینگ تیلفونی سوزلشووینی تیکشیریشگه قرشی دیر.
امریکه نمایندهلر مجلسی هم مه آیی نینگ 14 – سیده «فریدام اکت» لایحهسی امریکه استخبارات ادارهسی اوچون اوزگریش کریتیب تصدیقلهگن ایدی. مذکور قانون 338 ایجابی و 88 سلبی آواز بیلن تصدیقلنگن ایدی.
لیکن، اوشبو قانون سنا مجلسی اعضالری قرشیلیگیگه سبب بولیب عملگه جاری ایتیلیشی ممکن بولمهدی.
عینحالده، امریکه جمهور رییس فریدام اکت لایحهسی تصدیقلنمه گن لیگیدن اچینیب، بو سنا مجلسی نینگ ییریک خطاسی دییه بیلدیرگن.
اوتگن کون مه آیی نینگ 31- سیده سناتورلر 77 ایجابی و 17 سلبی آواز بیلن «فریدام اکت» قانونی قیتهدن طرح بولیشیگه کیلیشگنلر.
مذکور طرح اهالی نینگ آزادلیگی سقلهنیشی و امریکهده جاسوسلیکنی توسیش اوچون تقدیم ایتیلگن.
«باتریوت اکت» برنامهسی سپتامبر آیی نینگ اون بیرینچیسیدن کیین ایشگه باشلهگن.
