امیریکهلیک فیلم توزهتووچی، ایشچی و اویینچی رابرت دنیرونینگ ایتیشیچه، امیریکه قوشمه ایالتلرینینگ جمهورلیک ریاستیده جمهوریتچیلرنینگ نامزدی دونالد ترامپ عقلدن آزگن. سارایوو فیلمی بیرهمیده اونینگ ایتیشیچه، ترامپ هیچقچان امیریکه جمهور رییسی بولمهسین، بولگنده «تینگری دادیمیزنی ایشیتسین».
تلگرافدن نقل قیلینیب یازیلیشیچه، جناب دنیرو، دونالد ترامپنی (دنیا سینما تاریخینینگ اسطورهیی شخصیتلریدن بیری 1976- ییل محصولی تاکسی هیداوچی فیلم داستانینینگ شخصیتی) تراویس بیکلنینگ شخصیتیگه نسبت بیرگن. تراویس بیکل، اوشبو فیلمده عقل آزگن کیشینینگ رولینی اوینهگن.
اسکار ساورینی غالیبینینگ ایتیشیچه، ترامپ سوزلری عقلدن آزگن دیک کورینهدی، ترامپ جینی دیر.
تاکسی هیداوچی فیلمده، بو اویینچی ویتنام اوروشیدن قیتگن عسکر کبی بیکل رولینی اوینه گن و کیچهلر نیویارکده تاکسی هیدهیدی، بیراق اَچیق باسقینی باعث، جامعهستیز کیشیگه اَیلَنگن.
دنیرو، سارایوو فیلمی بیرهمینی، 40 ییل اوستیدن اوتگن تاکسی هیداوچی فیلمینی کوزگرمهگه قوییب باشلهدی.
بو بیرینچی اویینچی ایمس کیم، ترامپ توغریسیده سوزلهیدی. بوندن آلدین، امیریکهلیک تانیقلی اویینچی و شونینگدیک، اسکار ساورینینینگ غالیبی مریل استریپنینگ ایتیشیچه: «اویلهیمن ترامپگه نیمه بولگن بولسه؟»، شونینگدیک، اوشبو مملکتنینگ باشقه بیر اویینچیسی سوزاند ساراندون، مذکور امیریکهلیک میلیاردرنینگ شخصیتینی توی مراسمیده مست بولگن کیشیگه نسبت بیرگن، عین حالده، اینگ یخشی فیلم توزهتووچی، ایشچی و اسکار ساورینینینگ غالیبی کلینت ایستوودنینگ ایتیشیچه، ترامپ اویلهگن نرسهنی تیلیگه کیلتیریشی اوچون اوندن حمایت بیلدیرگن.
