بنگلهدیش حکومتی اوچ کوندن بیری 1600 کیشینی ترورچیلیککه عیبلب حبسگه آلگن.
مذکور کیشیلر بوندن بیر هفته آلدین بیر قطار اسلامچی اشدیلر بنگلهدیش پایتختی داکه شهریده هندی اقلیتلرنی هجوم آستیگه آلگن بیر چاغده حبسگه آلینماقده.
اوتگن کون (شنبه) بنگلهدیش نینگ بیر قنچه مدنی فعاللری بو شهرده اعتراض بیلدیرگن ایدیلر. اوشبو فعاللر حکومتدن ترورچیلرنی آلدین آلیشده بیر لحظه بی فرق قالمس لیگینی سوره گن ایدیلر.
داکه پولیس سوزلاووچیسی قمرالااسلامنینگ ایتیشیچه، قولگه آلینگنلرنینگ کوپینچهسی مجرم لر دیر اما، اولرنینگ چمهسی 40 ته سی ترورچیلر بولیشی ممکن. شونینگدیک بولردن 3 تهسی جماعت المجاهدین حرکتینینگ اعضاسی ایکنی ایتیلهدی.
مدنی جماعهچیلیک فعاللری همده انسان حقوقلری فعالی بو ملکت باش وزیری شیخ حسینه واجدنی تنقید قیلیب ایتیشلریچه، بو خانم بنلگهدیش خلقی امنیتینی تامین قیلیش اوچون قادر ایمس.
اولرنینگ سوزلریگه کوره، اوشبو خانم هنوزگچه اوتگن ییل صارد ایتیلگن هجومده قربان بولگن 18 کیشی قاتلینی تاپیشگه موفق بولمهگن.
اخیرگی وقتلرده بنگلهدیش هندولر، صوفیلر و خداناباورنانلر هجوم آستیگه آلینگن لیکده گواهی بولگن.
عفو خلق ارا تشکیلاتی بنگلهدیش حکومتینی بی فرقلیکده عیبلهگن. حکومتنینگ بو بی فرق لیگی مملکتده افراطیت رواجلهنیشیگه باعث بولگن.
