.jpg)
ناتو تشکیلاتیگه اعضاء مملکتلرنینگ ییغینی «پنجشنبه» کون 12 مادهلیک بیر بیانیه صادر ایتیلیشی نتیجهسیده یکونلندی. اوشبو ییغینده ناتو تشکیلاتیگه اعضاء مملکتلر کوماندو کوچلرینینگ رقمی کوپهیتیریلیشی، قندهی بیر شکلده مدیریت بولیشی، بو کوچلرنینگ عملیاتلری باشقریلیشی و شونینگدیک، مملکت هوا کوچلری کوچهیتیریلیشی بحث گه آلینگن. ناتو تشکیلاتیگه اعضاء مملکتلرنینگ اورغولشیچه، اچیق تجربهلر و برچه مغلوبیتلرنی یانیده، چیگل عملیاتلرده کوماندو کوچلرینینگ حضوری و تعلیماتی ناتو اوچون کته بیر یوتوق سنلهدی.
شونینگدیک، مالی یاردملر بولیمیده ناتو تشکیلاتیگه اعضاء مملکتلر، افغانستان گه 6 میلیارد دالرلیک بودجه اجرهتیشی توغریسیده سوز بیرگن. بو مبلغ هر ییل و 2024- ییلگه قدر، تورت منبع دن افغانستاننینگ مالی صندوقی گه یوباریلهدی. بیرینچی بولیم 440 میلیون دالر دیر و بو مبلغ افغانستان دولتینینگ اوز مالی ذخیرهسیدن تأمین ایتیلهدی. ایکینچی بولیم، امریکادن باشقه ناتو تشکیلاتیگه اعضاء مملکتلرنینگ مالی یاردمی 1 میلیارد دالر دیر و بو مبلغ ایکی صندوق آرقهلی جملهدن «افغانستان ملی حربی کوچلرینینگ تاپشیریلگن صندوقی و LOTFA یا-ده قانون حاکمیتی اوچون جمغرمه صندوقی» تأمین ایتیلهدی. شونینگدیک، اوچینچی بولیمی، امریکا دولتینینگ 4.7 میلیارد دالر یاردمی بولیب و «افغان امنیتی کوچلرینینگ صندوقی (ASFF) آرقهلی تأمین بولهدی.
دولت گه قرشی قوراللی گروهلر بیلن مذاکره قیلیب و تینچلیک کیلتیریش بولیمیده، ناتو تشکیلاتی ینه بیر بار سیاسی ییچیم یول و افغانستانلیکلرنینگ آرهسیده سوزلشوولر اوتکزیلیشی اوستیگه تأکید قیلدی.
.jpg)
ناتو تشکیلاتیگه اعضا مملکتلر، طالبلر بیلن تینچلیک قیلیش اوچون تینچ و توپلم بیر کیلیشووگه قول تاپیش خصوصیده، افغانستان دولتینینگ ارادهسیدن حمایت قیلیب ایتیشیچه، 28- فبروری ده مملکتده خوفسیزلیک و تینچلیک لایحهسی تیکشیریلیشی اوچون «کابل پروسهسی» ییغینی و 26-27 مارچ ده تاشکینت ییغینیده افغانستان دولتینینگ سعی و حرکتلری تقدیرگه سزوار دیر. ناتو تشکیلاتینینگ بیانیهسیده کیلیشیچه، جون آییده دولت تامانیدن اعلان ایتیلگن بیر تامانلمه آتیش کیسین، تینچلیککه ایریشیش خصوصیده، افغانستان حکومتینینگ کوچلی ارادهسینی کورستهدی.
فسادگه قرشی کورهش بولیمیده، ناتو تشکیلاتینینگ بیانیهسیده ایتیلیشیچه، یخشی حکومتدارلیک، اجتماعی و اقتصادی ادارهلر رواجلنیشی توغریسیده، همکارلیکلریگه دوام بیرهدی. نوامبر آییده ژنو ده ناتو تشکیلاتیگه اعضاء مملکتلرنینگ وزیرلری تامانیدن اوتکزیلگن ییغین، اداری تشکیلاتده بولگن یوتوقلر اینیقسه اصلاحات، شفافیت و جواب بیریش خصوصیده، افغانستان حکومتی تامانیدن بیریلگن سوز تیکشیریلیشی اوچون یخشی فرصت ایدی.
اوشبو بیانیهنی 10- مادهسیده کیلیشیچه، افغانستان دولتی ینه بیر بار حربی کوچلر و ادارهلرنی کوچهیتیریش و انسان حقلری خلق ارا قانونلریگه قرشی عملیاتلرنی عملگه آشیرمهسی توغریسیده سوز بیرگن؛ شونینگدیک یشاوچیلرنینگ حقوقی گه حرمت قایل بولیب و برچه ایشلرینی افغانستان اساسی قانون اساسیده عملگه آشیرهدی.
