دنیا بویلب فقرالردن مینگلرچهسی کرایستچرچ شهریده یوز بیرگن ترورچیلیک هجوم قربانلریگه نیوزیلند باش وزیری قیغوداشلیک بیلدیرگنی و بو واقعه خصوصیده تیزلیککه عکسالعمل بیلدیرگنی اوچون، الکترونیکی طومارلرده امضاء توپلب و نوبل تینچلیک ساورینی اونگه بیریلیشینی طلب قیلگنلر.
اوتگن هفته «جمعه» کونی کرایستچرچ شهریده 2 مسجد ترورچیلیک هجوم گه دوچ کیلدی و بو هجوملر نتیجهسیده 50 کیشی هلاک و باشقه اونلرچه کیشی یرهلندی.
حاضر ایکی الکترونیکی طومارده تیزیم شکلده 16600 و 3 مینگ امضاء جاسیندا آردرن دن حمایت قیلیش نیت ده توپلنگن.
نیوزیلند باش وزیری جاسیندا آردرن، کرایستچرچ شهریده یوز بیرگن هجوم قربانلرینینگ عایلهلریگه قیغوداشلیک بیلدیرگنی اوچون آلقیشلنگن و شونینگدیک، اجتماعی ترماقلرده تهدیدگه روپهره بولگن.
شو توغریده…
نیوزیلند؛ ایکی مسجد اوستیگه اویوشتیریلگن هجومده 40 کیشی هلاک بولگن
نیوزیلند پولیسی نینگ اعلان قیلیشیچه، او 2 تهدیدگه روپهره بولگن. بو تهدیدلردن بیری قورال صورتی دیر و اونینگ آستیده «سونگی کیشی سین سن» دیگن عبارت کیریتیلگن.
جاسیندا آردرن، کرایستچرچ شهریده جایلشگن مسجدالنور یانیدهگی پارکده یولگه قوییلگن اوتگن هفته جمعه نمازی مراسمیده هم اشتراک قیلگن. گزارشلر اساسیده، او جمعه نمازی خطبهلری جریانیده ییغلهگن.
