.JPG)
امریکا قوشمه ایالتلری جمهور رییسی بارک اوبامانینگ اوگی ایناغهسی مالک اوباما، کیلگوسی سیلاولرده جمهوریتچیلر حزبینینگ نامزدی دونالد ترامپگه آواز بیریشنی ایتگن. او، کنیاده استقامت قیله دیگن خانهدانیگه نسبتن جمهور رییس اوباما بی پروالیک قیلگنی باعث بو توغریده قرار قبول قیلگن لیگینی ایتگن. مالک، ایناغهسی عایلهسیگه کوزگه کورینرلی درجه ده بیر ایش قیلمهگن لیگینی تیلگه آلگن.
مالک اوباما: ترامپ جذاب و کمتر بیر شخص.
مالک اوباما آتهسینینگ ییرلیک یشش قیشلاغی کوگیلودن توریب تیلفون آرقهلی صحبت قیلیب، ترامپنی جذاب همده کمتر شخصیتلردن دیگن. اونگه کوره، ترامپ امنیت تامین ایتلیشینی ایستیدی.
او، اوگی ایناغهسینی هنوز هم سیومسلیگینی تیلگه آلگن. مالک، ایناغهسی جمهور رییس بارک اوباما کنیاگه قیلگن سفری جریانیده، جمهور رییسلیک لوازمیده بولگن پیتده خانهدانی کوره آلمسلگینی تیلگه آلگنی همان ایسیده ایکن لیگینی اظهار ایتگن. مالک، اوبامانینگ بو ایشی منطقگه توغری ایمس دیدی. اونگه کوره: «بارک اوباما عایلهسی اوچون اینگ یخشی ایشلرنی قیلیشی ممکن ایدی»
.jpg)
مالک اوباما ایکّی مملکت امریکا همده کنیانینگ وطنداشی. او، 80- ییللردن بیری جمهور رییسلیک سیلاولرده اشتراک قیلهدی.
اقش نینگ عملدهگی جمهور رییسی بارک اوباما میلادی 2009- ییلده جمهور رییسلیک لوازیمیگه ایریشگندن کیین بیرینچی گَل کنیاگه باریب؛ لیکن، آتهسینینگ جسدی توپراققه تاپشیریلگن اصلی مکانی بولمیش کوگیلو قیشلاغینی باریب کورمهگن.
اخیرگی کونلرده هیلاری کلینتون و دونالد ترامپ جمهوریتچی و دموکرات حزبینینگ نامزدلری اورتهسیده سیلاولر آلدی ترغیبات برنامهسی شدتلشگن. اینگ مهم نکته امریکا جمهور رییسی بارک اوبامانینگ اوگی ایناغهسی سیلاولرده ترامپنی حمایت قیلگن لیک ده دیر؛ حال بوکه اوبامانینگ اوزی دموکرات حزبی نامزدیدن آرقهداشلیک قیلیشنی اعلان ایتدی.
دونالد ترامپ جمهور رییسلیک سیلاولرنینگ هیچ بیر سابق نامزدلریگه اوخشهمیدی. او، جمهوریتچی حزبی ایچیده اوز نامزدلیگینی ایلگری سورگنده اونینگ موفق بولیشی نی کم دن کم کیشیلر کوتیشردی. اما، عکس حالده باشقه لردن کوره جوده ایلگری کیتدی.
ترامپ امریکا جمهور رییسلیک سیلاولری اوچون جنجالی سیماگه ایلنیب کیتدی. شونینگدیک اونینگ مهاجرلر و ملی امنیت مساله بارهسیده ایتگن گپلری اونی ایرمهچیلیککه عیب لهدی.
