پاکستان و هند ارا کشمیر چیگرهسیده هند تامانیدن اوتکزیلگن تعروض تکرار بولگن صورتده، پاکستان نظامی قرشیلیگی بیلن روپهره بولیش هشداری بیریلدی.
پاکستان مدافعه وزیری خواجه آصف، جمعه کونگی ایکی اولکه چیگرهوی کوچلری ارا اوتکزیلگن اوروشدن یرهلنگنلرنی کوریب اوتیش پیتیده صحبت اوتکزیب، اولکهسی هند اولکهسی نینگ تعروضی کیلهجکده تکرار بولگن صورتده، جدی حربی ضدیتلیک بیلن بولیشیدن خبر بیردی.
کشمیر چیگرهسیده روی بیرگن توقنه شووده پاکستانلیک حربیلردن 9 کیشی هلاک و باشقه 40 تهسی یرهلندی. پاکستان رسمیلریگه کوره، توقنه شوولر بیرینچیدن هند چیگرهوی کوچلری تامانیدن اوتکزیلگن، اما هند چیگرهوی کوچلری اوشبو ادعانی رد قیلیب ایتیشلریچه، بیرینچیدن پاکستانلیک چیگرهوی حربیلر تامانیدن اویوشتیریلگن هجوم نتیجهسیده، هند چیگرهوی کوچلریدن 4 کیشی هلاک بولگن.
شونینگدیک، بوندن آلدین هند و پاکستان رسمیلری شانگهای یاردملیک تشکیلاتی اولتیریشی چیکهسیده اوتکزگن اوچرهشووده، ایکی اولکه رسمیلری یوزهگه چیقگن قرمه قرشیلیکلر اورتهدن کوتاریلیشی اوچون مذاکره قیلیشماقچی بولگن ایدیلر.
مذکور اوچرهشووده هند رسمیلری منطقه بویلب تروریسم ایلدیزیدن یوقاتیش اوچون بیرگهلیک کورهشیش سوزلهشیشلر اوتکزیلیشینی ایستهگن ایدی، اما پاکستان رسمیلری کیلهجک اوچرهشووده کشمیر قیینچیلیگی حل ایتیلیشی بارهسیده سوزلهشیشنی پیشنهاد قیلگن ایدی.
موضوع هند رسمیلرینینگ قتیق آغرینیشی بیلن بیرگه بولیشگه سبب بولدی و ایکی اولکه ارا اوتکزیلهدیگن اولتیریش لغو ایتیلدی.
ایکی اولکه رسمیلری ارا نیچه پیت آلدین هم چیگرهوی قیینچیلیکلر حل ایتیلیشی بارهسیده اوچره شوو اوتکزیلگن ایدی، اما کورینیشیچه، مذکور اوچرهشوو ایجابی نتیجه بیرمهگن ایدی.
شونینگدیک، پاکستان مدافعه وزیرینینگ ایتیشیچه، هند تامانیدن بولگن یمانلیکلر بیرین بیرین حسابی آلینهدی و بو یمانلیکلر کوچلی شکلیده جوابی قیتریلهدی. جناب آصف نینگ کوپهیتیریشیچه، هند اولکهسی «بین المللی» چیگرهلرنینگ کوزگه توتمهگن صورتده، پاکستان تامانیدن 1965- ییلدهگی جوابنی قیته آلیشی ممکن.
1965- ییلده، هند و پاکستان اولکهلری اورتهسیده، ایکی هفتهلیک توقنهشو نتیجهسیده ایکی اولکه آغیر مالی و جانی خساره کورگن ایدی.
