چهارشنبه کونی، ناتو تشقی ایشلر وزیرلری افغانستان موضوع توغریسیده اولتیریشلرینی باشلهدیلر.
شونینگدیک، افغانستان تشقی ایشلر وزیری صلاحالدین ربانی مذکور اولتیریشده اشتراک ایتکن.
اولتیریش باشلهنیشده ناتو عمومی منشیسی ینس شتولتنبرگنینگ ایتیشیچه، بوگونکی اولتیریشده، حاضرگی ماموریتلری یکونلنگندن سونگ، افغانستانگه بیریلهدیگن دواملی یاردملری توغریسیده بحث اوتکزهدیلر.
ناتوعمومی منشیسینینگ کوپهیتیریشیچه، ناتو افغانستانده کوپلب سرمایه یاتقیزگن، اما حاضرگه قدر مذکور اولکه امنیتی قیینچیلیکلر موجود، شوسبب هم ناتو حاضرگه قدر افغانستان کوچلرینی جهازلب، تعلیمات و مصلحت بیریب کیلماقده.
اونگه کوره، بوگونکی اولتیریشده، افغانستان تشقی ایشلر وزیری صلاحالدین ربانی و اولکه بوییچه ناتونینگ عمومی قومندانی، افغانستاندهگی امنیتی قیینچیلیکلر توغریسیده صحبت اوتکزیشلری ممکن.
جناب شتولتنبرگگه کوره، افغانستان امنیتی کوچلریگه مصلحت بیریش، جهازلش، تعلیمات موضوعلری قوشیمچه قاطع ماموریتلرینی تیکشیریش موضوعسی مذکور اولتیریشگه کیریتیلگن.
شونینگدیک ترکیه باش وزیری احمد داوود اوغلونینگ ایتیشیچه، امنیت توغری سیده افغانستان قیینچیلیگی حددن آشه کوپ بولگن، داعشنینگ حضوری جدی قیینچیلیک سنلهدی؛ بیراق ناتو بو خصوصده افغانستانگه یاردم بیرهدی.
شونینگدیک اوتکن کون ناتو رسمیلریدن بیرینینگ ایتیشیچه، حاضرگه قدر افغانستانده داعش گروهی توغریسیده انیق معلومات قولده کیریتمهگنلر؛ اما هر حالده بو خطر اوچون دقت سیزلیک قیلمهیدیلر.
