کابل شهری دهمزنگده یاروغلیک حرکتی اعتراضچیلریگه قرشی اویوشتیریلگن حادثهنی تیکشیروچی کمیسیون، بوگون بیرینچی اولتیریشینی اوتکزدی. اوشبو کمیسیون جمهور رییسنینگ فرمانی اساسیده ایجاد ایتیلگن و بو کمیسیوننینگ 15 اعضاسی بار.
کمیسیون رهبری باش قارهلاوچی محمدفرید حمیدینینگ ایتیشیچه، مذکور حادثهنی طرفسیز و عدالتلی روشده تیکشیریب نتیجهسینی یشاوچیلر بیلن شریک قیلهدی. باش قارهلاوچیگه کوره، تیکشیروچی کمیسیون اعضاسی هیچ بیر اداره یا-ده کیشینینگ تأثیری آستیگه کیتمسدن جدی شکلده ایش قیلهدیلر.
شونینگدیک، بوندن آلدین هم، قندوز سقوطی، شاهشهید ده یوزبیرگن پارتلش هجوم و باشقه نیچه مهم حادثه توغریسیده جمهور رییس تامانیدن تیکشیروچی کمیسیونلر ایجاد ایتیلگن؛ بیراق حاضرگچه مذکور کمیسیونلر تیکشیرو نتیجهلرینی یشاوچیلر بیلن شریک قیلمهی و خلق رضایتینی قولگه کیریته آلمهگن.
بیراق، باش قارهلاوچینینگ ایتیشیچه، دهمزنگ حادثهسینی تیکشیروچی کمیسیون سابق کمیسیونلردن فرقلی بولیب و معلوماتلرینی یشاوچیلر بیلن شریک قیلهدی. جناب حمیدینینگ کوپهیتیریشیچه، اوشبو کمیسیون دهمزنگ حادثهسینی تیکشیریشگه قوشیمچه حادثهنینگ اصلی عامللرینی هم تیکشیرهدی.
2- اسد حادثهسینی تیکشیروچی کمیسیون اعضالری، مملکت یشاوچیلریدن بو کمیسیونگه یاردم بیریشلرینی سورهدی.
شنبه کون 2- اسد، کابل شهری دهمزنگ چوکیده یاروغلیک حرکتی اعتراضچیلریگه قرشی اویوشتیریلگن خودکش هجومده 80 کیشی هلاک بولیب و باشقه 200 دن آرتیق کیشی یرهلنگن.
