سلام‌وطندارنینگ ینگی بیر تیکشیرووی اساسیده، مملکت ولایتلریگه تیگیشیلی سایت‌لر انچه آی‌لردن بویان ینگی‌لنمه‌ی و یا-ده غیرفعال بولگن.
دایکندی، بامیان، خوست، پکتیکا، سمنگان، جوزجان، لوگر، غزنی، تخار، بلخ، کنر، هلمند و وردک ولایتلریگه تیگیشلی سایت‌لر سونگی مرته ایلگری ییل (2015) ینگی‌لنگن؛ بادغیس ولایتی‌نینگ سایتی ایکی ییل آلدین (2014) و فاریاب، بدخشان، سرپل و فراه ولایت‌لری‌نینگ رسمی سایت‌لری، میلادی 2013- ییل باشیده ینگی‌لنگن. یالغیز هرات، پکتیا، پروان، ننگرهار، کابل، قندهار، غور و پنجشیر ولایتلریگه تیگیشلی سایت‌لر جاری ییل باشیده ینگی‌لنگن.
دیمک، بغلان، لغمان، کاپیسا، ارزگان، قندز، زابل، نیمروز و نورستان ولایتلریگه تیگیشلی سایت‌لرنی قیین‌چیلیگی بار و یا-ده هیچ آچیلمه‌یدی.
محلی ارگانلر ایرکین اداره‌سی سوزلاوچیسی منیره یوسف‌زاده، موجود قیین‌چیلیک‌نی قبول قیلیب ایتیشیچه، تیزلیک‌ده اوشبو سایت‌لر فعال بولیب و ینگی‌لنیشی ممکن. خانم یوسف‌زاده نینگ کوپه‌یتیریشیچه، اولر معلومات‌گه قول تاپیش قانونی عمل‌گه آشیریلیشی خصوصیده جدی حرکت قیله‌دی و برچه ولایت رسمی‌لریدن، خلق‌گه معلومات ییتکزیش خصوصیده، هیچ قنده‌ی سعی و حرکت‌دن وازکیچمس‌لیک‌لرینی سوره‌گن.
محلی ارگانلر اداره‌سی سوزلاوچیسی، سایت بولیمی‌ده تخنیکی تیرمه‌جماعه یوقلیگی و بودجه کم‌لیگی‌نی مملکت بویلب ولایت مقام لری‌ده الکترونیکی سایت‌لرنی اساسی قیین‌چیلیک‌لریدن دیب بیله‌دی.
عین حالده، مذکور ولایت‌لرنی محلی رسمی‌لریدن بیرقطاری‌نینگ ایتیشیچه، اوتمیش‌لرده بونده‌ی بیر قیین‌چیلیک یوق ایکن و رسمی سایت‌لر قیین‌چیلیک‌که دوچ کیلگنی‌دن بویان، اولر خلق بیلن علاقه قوریش اوچون، اجتماعی ترماقلردن فایده‌لنه‌دی. بغلان والیسی‌نینگ سوزلاوچیسی محمود حقمل و فاریاب والیسی‌نینگ سوزلاوچیسی احمدجاوید بیدارنینگ سلام‌وطندارگه ایتیشیچه، رسمی سایت قیین‌چیلیگی‌نی نیچه مرته رسمی‌لرگه ییتکیزگن، بیراق حاضرگچه اولر بو موضوع خصوصیده دقت قیلمه‌گن.
عین حالده، مخابرات وزیرلیگی سوزلاوچیسی یاسین صمیم‌نینگ ایتیشیچه، تیزلیک‌ده دولتی اداره‌لر اوچون خاص سایت قوریلیشی‌گه قرار قیلینگن و شونینگ‌دیک، تخنیکی تیرمه‌جماعه، موجود قیین‌چیلیک‌لرنی تیزلیک‌ده حل قیله‌دی.
