افغانستان شمالیده (UNMACA) بیرلشگن ملتلر تشکیلاتی ماین تازهلش مرکزینینگ ایتیشیچه، ناتینچلیکلر باعث، قیشلاقلرده ماین قربانلری رقمی تکرارسیز شکلده کوپهیگن.
اوشبو اداره رقمی اساسیده، قیشلاقلرده ماین تلفاتی میزانی، کونده 30 کیشیدن 100 کیشیگه آشگن.
افغانستان شمالیده بیرلشگن ملتلر تشکیلاتی ماین تازهلش مرکز مسؤولی عبدالوکیل احمدزینینگ سلاموطندارگه ایتیشیچه، اوتگن ییللرده مملکت بویلب ماین قربانلری رقمی کونده 300 کیشیگه ییتیشردی. اونگه کوره، میلادی 2014- ییل، مذکور اداره بو رقمنی کونده 30 کیشیگه کمهیتیرگن. بیراق 2014- ییلدن، اوشبو تلفات بیردیک کونده 100 کیشیگه ییتیشگن.
جناب احمدزینینگ کوپهیتیریشیچه، فاریاب ولایتینینگ ناتینچ المار و قیصار تومنلری، ماین پارتلهشی نتیجهسیده کوپلب تلفات بیرهدی.
افغانستان شمالی بیرلشگن ملتلر تشکیلاتی ماین تازهلش مرکزی مسؤولیگه کوره، ماین قربانلرینی کمهیتیریش توغریسیدهگی بیرینچی یول، مملکتده ایچکی اوروشلر جریانیدن قالگن جهازلر و اسکونهلر ساتیب و آلیشینی باشقریش دیر.
احمدزینینگ ایتیشیچه، مذکور اداره مسجد اماملری و معارف وزیرلیگی مسؤوللری بیلن اویغونلیکده، یشاوچیلرنی آگاهلنتیریب، اوشبو تلفات رقمینی کمهیتیریش خصوصیده سعی و حرکت قیلهدی.
شمالده بیرلشگن ملتلر تشکیلاتی ماین تازهلش مرکزی مسؤولیگه کوره، مملکت شمال یشاوچیلرینینگ، پارتلمهگن مادهلردن آگاهسیزلیگی بیرینچی دلیل دیر کیم، ماین قربانلری کوپهیگن.
