نمایندهلردن کوپیسی مملکتده تینچلیک اورنهتیلیش بارهسیده باید بیرلشگن ملتلر تشکیلاتی تامان قول اوزهتیلسه دیگنلر.
بولر، طالبلرنینگ فعالیتلری کوپهیشیگه قرهتیب ایتیشلریچه، امیریکه و چین مملکتلری اره چیلیگی بیلن تینچلیک تأمین بولیشی سیاسی اویینلردن باشقه نرسه ایمس.
کینگش اعضالریدن ناهید فریدنینگ ایتیشیچه، باید افغانستان بیرلشگن ملتلر تشکیلاتیگه پاکستاندن شکایت قیلسه، نیگه دیگنده اوتگن هفته سهشنبه کونگی حادثه مسؤولیتی حقانی گروهی بولگن و حجتلرگه کوره، مذکور گروه مقری پاکستانده دیر.
کینگش نینگ باشقه بیر اعضاسی میربتخان منگل نینگ ایتیشیچه، بیرلشگن ملتلر تشکیلاتی باید افغانستانده تینچلیک اورنهتیلیشی اوچون منطقهیی کوچیدن فایدهلنیب عصیانگرچیلیکنی نابود قیلسه.
بو سوزلر اوتگن هفته سهشنبه کونی کابل محمودخان کوپریگی یقینیده جایلشگن 10- خوفسیزلیک حوزهده خودکش حجوم صادر ایتیلگندن کیین ایتیلماقده. ایچکی ایشلر وزیرلیگی نینگ بیرگن رقمیگه قره گنده، حادثهده 64 کیشی هلاک و 374 کیشی یرهلنگن، اما کینگش نینگ باشقه بیر اعضاسی الماس زاهدنینگ معلوم قیلیشیچه، حادثهده بیریلگن انیق تلفات و یرهلنگنلر سانی رسانهلر و اهالی گه آچیلنمهگن. اونینگ بوگونکی اولتیریشده ایتیشیچه، حادثهده 150 دن آشه کیشی هلاک و 500 کیشی یرهلنگن.
جناب زاهدنینگ موضوعگه قرهتیب ایتیشیچه، عصیانگرچیلیک عملی و حمایت قیلهدیگن مملکت لرگه قرشی انیق یول – چول کوریش لازم.
امنیتی رسمیلرهم اوتگن هفته پنجشنبه کونی اولتیریش آلیب بوندن بویان ملی بیرلیک حکومتی بیرینچی ایشی اوروش شیوهلری بولیشی ممکن دیگن.
شونینگدیک نمایندهلرنینگ معلوم قیلیشلریچه، حاضرگی حکومت بدیلی اسلامی امارت بولیشی ممکن و حاضرگی نظامنی ایسته مگن حالده، طالبلر قدرتنی آلیشی ممکن و شو اوچون هم باید حکومت و امنیتی کوچلردن چین کونگیلدن حمایت قیلیش کیرهک.
بوگونگی کینگش اولتیریشیده نمایندهلردن باشقه بیری اسدالله سعادتی نینگ بیاناتیگه کوره، حکومتنی بیکار قیلیشگه بیل باغلهگن شخصلربار. جناب سعادتی نینگ تأکید قیلیشیچه، نظامنی بیکار قیلیش توشدن باشقه نرسه ایمس.
کینگش باشلیغی عبدالرؤوف ابراهیمی نینگ معلوم قیلیشیچه، مملکت امنیتی وضعیتی یمان بولگن. جناب ابراهیمی جمهور رییسدن تیزلیکده سرپرستلیکلرگه نقطه قویب مدافعه وزیرلیگی و ملی امنیت ریاستیگه باشلیغلرینی تعیین قیلیب حادثهلر آلدینی آلیشگه جدی حرکت قیلینیشنی سورهدی.
