قطر ده طالبان سیاسی دفتری نینگ اعلام قیلیشیچه، افغانستان ده ناتو کوچلری نینگ قوماندانی اسکات میلر، قطر پایتختی دوحهده مذکور دفتر اعضالری بیلن اوچرهشگن.
قطر ده طالبان سیاسی دفتری سوزلاوچیسی سهیل شاهین بیر توییت آرقهلی ایتیشیچه، اوتگن کون (جمعه ۲۲- حمل) شام چاغی افغانستان ده ناتو کوچلری نینگ قومندانی مذکور دفتر اعضالری بیلن اوچرهشیب و تینچلیک کیلیشوونامهسی عملی ایتیلیشی و اونینگ نقض ایتیلگن موردلری توغریسیده بحث قیلگن.
مذکور توییت گه کوره، شونینگدیک اوروش بولمهگن منطقهلرده ناتو کوچلری نینگ هجومی توغریسیده هم بحث قیلینگن.
مذکور اوچرهشوو بولیب اوتگن بیر حالده، طالبان گروهی بیر اعلامیه آرقهلی تینچلیک کیلیشووی افغانستان حکومتی و آمریکا کوچلری آرقهلی نقض قیلینگنی نی بیلدیرگن ایدی.
مذکور اعلامیه(۱۷- حمل یکشنبه) کونی نشر بولگن ایدی کیم اونگه کیلیشیچه، طالبان گروهی مذکور کیلیشوونامه نینگ برچه مادهسیگه عمل قیلگن.
طالبان محبوسلری قوییب یوباریلمهگنی گه علاوه، شونینگدیک بو موضوعلر تینچلیک کیلیشوونامهسی نقض ایتیلیشی دییلگن: اوروش منطقهسیده قرار تاپمهگن طالبان مرکزلری هجوم آستیده آلینیشی، یشش منطقهلر هوایی هجوم و بمباردمان گه دوچ کیلیشی و طالبان نظارتی گه بولگن منطقهلرگه هیچ بیر آتیشمه یوزبیرمسدن هوایی هجوم اویوشتیریلیشی.
طالبان گه کوره، اسلامی امارت هر دایم افغانستان نمایندهلری بیلن مذاکره قیلیش اوچون تیارگرلیکلریدن سوزبیرگن، بیراق مذکور گروه محبوسلری قوییب یوباریلمهگنی افغانستانلیکلرارا سوزلشوولرنی آرتده قالدیرگن.
اعلامیهده کیلیشیچه: «افغانستان نینگ هلمند، کندهار، فراه، کندز، ننگرهار، پکتیا، بدخشان، بلخ و شونینگدیک باشقه بولیملریده تینچلیک کیلیشوونامهسی نقض ایتیلگن.»
اعلامیه آمریکا دن کیلیشوونامه نی رعایت قیلیش گه علاوه، شونینگدیک باشقه همکارلرینی هم اونینگ بوتونلی رعایت قیلیش اوچون متوجه قیلیشی نی سورهگن.
طالبلرنینگ اورغولشیچه، بوندهی تخطیلر دوام تاپگن صورتده، ایشانچسیزلیک اورته گه کیلهدی و طالبان مذکور هجوملرگه عکسالعمل کورسهتیب آتیشمه میزانی نی کوپهیتیریشی ممکن.
بیراق جمهورلیک ریاستی سوزلاوچیسی نینگ اورینباسری لطیف محمود نی ایتیشیچه، طالبان گروهی تینچلیک کیلیشووی نینگ نقض قیلگن.
