افغانستان تینچلیگی بوییچه آمریکانی خاص نمایندهسی جناب خلیلزاد ینگی بیر توییتی گه ایتیشیچه، 40 ییللیک اوروش بیر هفتهلیک ییغینده حل بولمهیدی.
زلمی خلیلزادنینگ ایتیشیچه، یالغیز ترورچیلیککه قرشی کورهش و آمریکا کوچلرینینگ افغانستاندن چیقیشی توغریسیدهگی موضوعلر اوستیگه بیر آز کیلیشیلگن، بیراق ایریم موضوعلر جملهدن افغانلر آرهسیده سوزلشوولر و بوتونلی آتیش کیسین اوستیگه حاضرگچه کیلیشیلمهگن.
خلیلزاد افغانستاننینگ وضعیتی نی قیین دیب ایتیشیچه، افغانستاننینگ یولی تینچلیک تامان توغری ایمس دیر.
جناب خلیلزادنینگ اورغولشیچه: « بیر فیلنینگ بیر لقمه گه یوتیب بولمهیدی و شونینگدیک 40 ییللیک اوروش نی بیر اوچرهش گه یکونلنتریش هم ممکن ایمس دیر.»
آمریکا خاص نمایندهسی نینگ کوپهیتیریشیچه، «کوپینچه اویینچیلر، موضوعاتلر و حرکتلر موجود دیر. بیراق بیزلر توغری یولگه قرار تاپگن میز. جمهور رئیس ترامپ ایتگن دیک، سوزلشوولر یخشی بیر شکلده آلغه کیتهدی.»
شو توغریده:
.JPG)
اوتگن کون «پنجشنبه» آمریکا جمهور رئیسی بیر تویییت یازیب ایتیشیچه، افغانستان گه 18 ییل اوروشدن کیین تینچیلیک سوزلشوولری یخشی بیر شکلده بارهدی.
سونگی پیتلرده افغانستان تینچیلیگی توغریسیده سعی و حرکتلر کوپهیگن. اوتگن هفته افغانستان تینچلیگی توغریسیده آمریکا خاص نمایندهسی زلمی خلیلزاد قطرنینگ دوحه شهریده 6 کون ییغین اوتکزدی. مذکور ییغینلر نتیجهسی یخشی توصیفلنگن.
