هلمند ولایت والیسی نینگ سوزلاوچیسی محمد عمر زواک نینگ ایتیشیچه، مذکور ولسواللیک اوتگن کیچه قوراللی طالبلر تامانیدن اشغال ایتیلگندن سونگ ولسواللیک همده امنیه قوماندانلیک بناسی اوتگه یاندیریلگن.
جناب زواک، ملی کوچلر بیلن جنگریلر اورتهسیده یوز بیرگن توقنشوده سنگین تومنی پولیس قوماندانی محمد داوود تن جراحتی آلگن دیگن. هلمند ولایت والیسینینگ سوزلاوچیسی، اوروشده ملی پولیس نینگ 25 نفری اولیب یرهلنگن دیگن. اما، هنوز گچه یرهلنگنلر بارهسیده معلومات بیریلمهگن.
عین حالده، اوشبو ولسواللیکنینگ اهالیسی سلاموطندارگه سنگین تومنینینگ خوفسیزلیک وضعیتی یامان بولگن لیگینی بیلدیرگنلر. نیچه آیدن بیری هلمند ولایتینینگ ایریم تومنلری جملهدن مارجه و سنگین ولسواللیکلریده اوروش دوامی بار.
مذکور ولسواللیک قوراللی طالبلر نظارتیدن چیقاریلیشی اوچون افغان ملی کوچلری تامانیدن ییریک حربی عملیات اوتکزیلب، مارجه ولسواللیگی طالبلر اشغالیدن آزاد ایتیلگن ایدی.
اهالی هنوزگچه سنگین تومنی امنیتی تامین ایتیلیشی اوچون فایدهلی همکارلیک عملگه آشیریلمهگنلیگینی ایتگنلر. اولرگه کوره، وضعیت شوندهی دوام ایتگن حالده، ولسواللیکنینگ برچه منطقهسی قوراللی طالبلر نظارتیگه اوتهدی.
ولایت سنگین تومنی وضعیتی یامان لیگینی تصدیق لهگن عمر زواک، افغان ملی کوچلری قوراللی طالبلرنینگ هر قندهی برنامهسینی بیکار قیلهدیلر دیگن.
عین حالده، ولایتنینگ اهالیسی، ایکی هفتهدن بویان افغان ملی کوچلری مذکور ولسوواللیککه یرلشتیریلگن، اما، یول چیتیگه قوراللی طالبلر تامانیدن اورنه تیلگن ماینلر ملی کوچلر عملیاتینی ایریم معمالر بیلن روپه ره قیلگن.
هلمند، افغانستان جنوبیده جایلشگن نابرقرار ولایتلردن سنهلهدی. سونگی بیر نیچه آی جریانیده جنگریلرنینگ فعالیتی اوشبو ولایتده کوتیلمهگن درجه آشگنی ایتیلهدی.
