هلمند حاکمی دفتری نینگ اعلان قیلیشیچه، اوشبو ولایت نینگ سنگین تومنی بازاریده عنعنوی بیر بیرهم جریانیده طالبان گروهی تامانیدن آتیلگن تورت راکت و بیر پارتلش نتیجهسیده 23 تینچ اهالی هلاک ایتیلگن.
هلمند حاکمی دفتری نینگ خبرنامهسیده کیلیشیچه، اوشبو واقعه بوگون «دوشنبه، 9- سرطان» ایرتهلب سنگین تومنی نینگ کهنه بازاریده یوز بیرگن و نتیجه ده باشقه 15 تینچ اهالی یرهلنگن.
ایتیلیشیچه، اوشبو واقعه ده ساتیش اوچون بازار آلیب کیلینگن حیوانلرگه هم زیان ییتگن.
هلمند حاکمی دفتری نینگ خبرنامهسی اساسیده، طالبان گروهی سنگین تومنی بازاری گه 4 راکت آتگنیدن سونگ، تینچ اهالیلرنینگ اویلرینی یقینیده پارتلاوچی ماده دن توله بولگن بیر موترنی پارتلتگن.
خبرنامه ده کیلیشیچه، طالبان گروهی حربی کوچلرنینگ ایکینچی لواسینی هدف آلیش گه قصد قیلگن ایکن، بیراق بو راکتلر سنگین تومنی نینگ بازاری گه توشگن.
خبرنامه ده کوپهیتیریلیشیچه، اوشبو پارتلش ده 2 طالب هم هلاک ایتیلگن و شونینگدیک، تینچ اهالی و اویلری گه زیان ییتگن.
طالبان گروهی راکتی هجوم مسؤولی حربی کوچلر دیگن ایدی، بیراق هلمند حاکمی نینگ دفتری بو خبرنامه ده راکت دولتی کوچلر تامانیدن آتیلگنی توغریسیده بولگن گزارشلرنی رد قیلگن.
شونینگدیک، اوشبو خبرنامه ده ایتیلیشیچه، هلمند حاکمی محمد یاسین، بو واقعه تیکشیریلیشی اوچون بیر هیأت تعیین ایتگن.
