خوست ولایتی نینگ پولیس قومندانلیگی سوزلاوچیسی عادل حیدرنینگ ایتیشیچه، اوشبو ولایتده بیر عایله نینگ 5 اعضاسینی ناتانیش قوراللی کیشیلر اولدیریب و باشقه 3 تهسینی یرهلنتیرگن.
اوشبو واقعه اوتگن کون «یکشنبه، 25- جوزا» مذکور ولایت نینگ اسماعیل و مندوزی تومنیده یوز بیرگن.
جناب حیدرنینگ ایتیشیچه، اوشبو واقعه ده هلاک ایتیلگنلرگه بیر عایله و بیر باله شامل دیر.
محل یشاوچیلری نینگ ایتیشلریچه، بو عایله نینگ ایلگریدن شخصی دوشمنلیگی بولگن، لیکن زمان اوتیشی بیلن قیینچیلیکلری حل ایتیلگن. اولرگه کوره، بو عایله کمبغللیک باعث، چوپانلیک قیلر ایکن.
خوست پولیس قومندانلیگی سوزلاوچیسی نینگ کوپهیتیریشیچه، پولیس کوچلری واقعه محلی گه بارگن و بو واقعه توغریسیده تیکشیروولرینی باشلهگن.
شونینگدیک، ایکی کون آلدین مذکور ولایت نینگ علیشیر تومنیده قوراللی بیر هجوم نتیجهسیده اسلامی حزب اعضاسی عبدالوالی اخلاص شامل 8 کیشی هلاک ایتیلگن ایدی.
