.jpg)
«افغانستان جهادی ملی حزبلر عالی کینگشی» موجودلیگینی اعلان قیلیش بیلن بیرگه سیلاولرده حزبلریگه حصه بیریلیشینی سورهگن.
بوگون (دوشنبه) کابلده جهادی 11 حزبدن تشکیل ایتیلگن کینگش موجودلیگینی اعلان قیلدی. بو کینگشنینگ اصلی هدفی پارلمان همده ولسواللیکلر سیلاولری اوتکزیلیشی همده سیاسی حزبلرگه سیلاولرده حصه بیریلشی بولگن.
شونینگدیک مذکور کینگشنینگ مسووللری، سیلاولر تیزیمیگه اصلاحات کیریتیش اوچون حزبلر رولی بارهسیده تاکیدلهگنلر.
بو کینگشنینگ سوزلاووچیسی سیدحامد گیلانینینگ سوزلریگه کوره، جهادی ملی حزبلر عالی کینگشی یالغوز کابلگه چیکلهنیب قالمی بوتون افغانستان ولایتلریدن تشکیل ایتیلگن.
گیلانی، مذکور کینگش حکومتنینگ مملکتده یرهش تامین لهنیشی اوچون آلیب بارهجک هر قندهی سعی وحرکتینی حمایت قیلهدی دیگن.اما، حکومت قانونچیلیکنی کوچلنتیریش ضرور.
.jpg)
شونینگدیک جناب گیلانی افغانستان جهادی و ملی حزبلر عالی کینگشی طالبلر بیلن افغانستان حکومتی ارا اوتکزیله دیگن تینچلیک مذاکرهسی اوچون قولگه آلگن طرحنی تیزلیکده حکومتگه تاپشیریشنی معلوم قیلگن. بو ایکینچی کینگش سونگی بیر آی ایچیده اوز موجودلیگینی اعلان قیلهدی.
بوندن چمهسی ایکی هفته آلدین عبدالرب رسول سیاف، محمد اسماعیلخان، یونس قانونی، عبدالهادی ارغندال، زلمی رسول، صادق مدبر، محمد عمر داوودزی، بسم الله محمدی، عبدالرحیم وردک و عبدلرووف ابراهیمیلر اعضالیگیدن عبارت افغانستان برقرارلیگینی سقلاووچی کینگش تاسیس ایتیلگن ایدی.
