.jpg)
طالب‌لر حرکتی‌نینگ سابق رهبری ملاعمرنینگ وفاتی نشر ایتیلیشی بیلن تینچلیک مذاکره‌سی‌نینگ اوتکزیله‌جک ایکینچی ییغینی نا معلوم وقتگچه کیین قالدی. حاضر ایسه افغانستان جمهور رییسی محمد‌اشرف غنی تینچلیک مذاکره‌سی‌نینگ ایکینچی اولتیریشی تشقی ایش‌لر زویرلیک‌لری‌نینگ اورین باسرلری رهبرلیگی‌ده اوتکزیله‌دی دیگن.
بوگون (پنج‌شنبه) توش‌دن سونگ کابل‌ده اوتکزیلگن کنفرانس مطبوعاتی‌ده چیقیش قیلگن مملکت جمهور رییسی محمد‌اشرف‌غنی افغانستان و طالب‌لر ارا تینچلیک مذاکره‌سی دستلب پاکستان‌ده اوتکزیله‌دی سونگ بو اولتیریش اوچون کابل میزبانلیک قیله‌دی دیگن.
اوشبو تینچلیک مذاکره‌سی‌ده چین وامریکه قوشمه ایالت‌لری‌نینگ نماینده‌سی هم اشتراک قیلیشی کوتیله‌دی.
کنفرانس‌ده سوزله‌گن جمهور رییس‌گه کوره، قورال‌لی طالب‌لر معین یول‌نی تنله‌شی کیره‌ک؛ اوروش یا – ده تینچلیک. غنی‌نینگ سوزلریگه قره‌گنده، مذکور گروه تینچلیک مذاکره‌سی‌دن باش تارتگن حالده، افغانستان، پاکستان، چین و امریکه نینگ قوشمه مبارزه‌سی آرقه‌لی نابود ایتیله‌دی.
شونینگ‌دیک جمهور رییس‌غنی اوروش چیگره‌سی معلوم ایتیلشی اوستی‌ده تاکیدله‌گن.
.jpg)
شوکبی جمهور رییس‌غنی اوتگن بیر ییل یعنی میلادی 2015- ییل‌ده مملکت ییر بوتون‌لیگی مدافعه ایتیلگنی همده افغانستان بولینیش آلدینی آلینگی‌نی ییریک یوتوق دیگن. او، مملکت‌نینگ ملی کوچلری افغانستان‌نینگ بوتون جبهه‌لریده مدافعه‌ده بولگن‌لیگن‌لیک‌لریگه اشاره قیلگن. شونینگ‌دیک جمهور رییس‌غنی کیلگوسی ییل‌نینگ کوز فصلی‌ده پارلمان همده ولسوال‌لیک کینگش‌لر سیلاولری اوتکزیلیشی باره‌سیده ینه بیر بار تاکیدله‌دی.
ملی مجلس اعضالرینی تنقید قیلگن جمهور رییس‌غنی، پارلمان فقط جمهور رییس تامانیدن صادر ایتیلگن فرمان‌لرنی رد قیلیش‌نی بیله، اما اهالی معماسی حل ایتیلیشی اوچون هیچ بیر طرح‌نی تکلیف ایتمیدی.
هنوز گچه افغانستان ملی مجلسی جمهور رییس تامانیدن صادر قیلنگن نیچه فرمان‌نی کوپچی‌لیک آواز بیلن رد قیلگن. امنیتی اداره‌لر سرپرست‌لر آرقه‌لی باشقریلیشی، سیلاولر کمیسیون‌لریگه اصلاحات کیریتیلیشی و باجخانه‌لر قانونی اوزگرتیریلیشی ملی مجلس تامانیدن رد ایتیلگن جمهور رییس‌نینگ رد ایتیلگن فرمانلریدن حسابلنه‌دی.
