اقتصادی ایش بیلرمانلردن کوپیسی پاکستان کالالرینی بیرباره تحریم قیلیب بولیمیدی؛ نیگه؟ اولرگه کوره، افغانستان اوشبو محصولات بدلینی تیزلیکده قولگه کیلتیریشگه عاجزلیک قیلهدی و اولکه اقتصادی ییریک ضربه کوریشی ممکن.
کابلده اوتکزیلگن سونگی تروریستی هجوملر و حکومت باشلیغلرینینگ ادعالری پاکستاننی قولی بارلیگیگه قارهلهشی باعث، اجتماعی گروهلردن کوپیسی پاکستان کالالرینی آلیشدن چیکینگنلر.
دین عالملریدن کوپیسی هم پاکستان کالالرینی تحریم ایتیلیشیدن حمایت قیلگن ایدیلر.
شونینگدیک ایتیلیشیچه، شوحاضر اولکه ایریم ولایتلریده آلیش ساتیشلرده پاکستان کلدار پولیدن استفاده قیلمیدیلر.
اقتصادی ایش بیلرمانلردن بیری قیس محمدینینگ ایتیشیچه، افغانستانده پاکستان محصولاتلری تحریم بولیشی جوده هم آغیر توشهدی؛ نیگه؟ افغان یشاوچیلرینینگ بو اولکه ایریم محصولاتیگه جدی نیازلری بار.
جناب محمدینینگ قیلگن پیشنهادی اساسیده، پاکستان کالالری بیردن تحریم ایتیلمهسین، اوندن کوره «کیلتیرهدیگنلر اوزگریلیشی» دن استفاده قیلسهلر. بونقه بیر ایش بولگن صورتده، استه-سیکین بومحصولات اورنیده ایچکی نرسهلر اوستیریلیب، ایچکی تولیدات یوقاری کیتیشی بیلن پاکستان محصولاتی آرتگه توشیب کیتهدی.
اونگه کوره، بازارده افغانی پول وضعیتی یخشی ایمس و افغان یشاوچیلری ایسه بوبارهده هم نقص قیلهدیلر.
جناب محمدینینگ بیلدیریشیچه، پاکستان محصولاتیدن ایش آلیشدن دلیل بودیرکیم، محصولاتلرتحریم بولیشی بیلن افغانستان جدی نقصاندار بولمسلیگی کیرهک.
شونینگدیک اقتصادی ایش بیلرمانلردن باشقه بیری محبالله شریف نینگ ایتیشیچه، بیرینچیدن افغان یشاوچیلری قنچهلیک پاکستان محصولاتیگه نیازمندلیکلری بار و پاکستان محصولاتیگه بدل نرسه بیزده بارمی؟
جناب شریفگه کوره، اوشبو تحریملر قنقهلیگی انیقلنمهگن صورتده و اویغورلیک بولمهگن بیرحالده، فایدهسیدن کوره نقصی کوپراق بولیشی کوتیلهدی.
اونینگ کوپهیتیریشیچه، پاکستان اوستیگه تحریملر کیلتیریشی بیلن باید اهالی اقتصادی وضعیتیگه قرهتیب اویغورلیک یولینی تاپیش کیرهک؛ بولمهگنده اوشبو احساساتی حرکتلر باتلاققه تامان ایلتهدی.
انه شوحالده، قیس محمدیگه کوره، پاکستان محصولاتینی ساتیب آلیش اوچون افغانستاندن باشقه بیر قوشنی اولکه بولمهگنلیگی باعث، افغانستان یولی بیلن آسیا اولکهلریده اوزمحصولاتینی انتقال بیرهدی، شو سببدن پاکستان اوچون ییریک قیینچیلیک بولیشی کوزهتیلهدی.
شونینگدیک محمدیگه کوره، پاکستان برچه محصولاتی افغانستان تامانیدن تحریم بولگن صورتده، اولکه بویلب ایش سیزلیک کوپهیب بارهدی؛ اونینگ ایتیشیچه، پاکستانده اونلرچه فابریکه گینه افغانستان اوچون کالا تولید قیلهدی.
باشقه بیرتاماندن، پاکستان کالالری اوچون بازارده تقاضا آزه یهدی و اولکه اقتصادی هم تیزلیکده رشد قیلهدی.
