میدان‌وردک محلی رسمی‌لری، مذکور ولایت‌ده 10 کیشی هلاک بولیب و باشقه 6 کیشی یره‌لنگن قضیه‌نی تیکشیریش اوچون هیأت تعیین ایتیلیشی‌دن خبر بیریب و ایتیشیچه، اوشبو واقعه عامل‌لری امنیتی کوچلرهم بولگن صورتده، محکمه بولیشی ممکن.
ایکی کون آلدین اوشبو کیشی‌لر بیر مسجد اوستیگه هاوان اوقی توشگنی باعث، هلاک بولیب و یره‌لنگن. ایتیلیشیچه، هلاک بولگن‌لردن کوپینچه‌سی باله‌لر دییله‌دی.
اوشبو ولایت والیسی حیات‌الله حیات‌نینگ ایتیشیچه، تعیین ایتیلگن هیأت اوشبو واقعه قنده‌ی بیر انگیزه بیلن یوزبیرگنینی تیکشیره‌دی. جناب حیات‌گه کوره، بیرقطارلر اوشبو قضیه‌گه عیب‌لنیب توتقونگه آلینگن و تیکشیروولردن کیین، اصلی عامل‌لری جزالنیشی ممکن.
میدان‌وردک ولایتی کینگشی اعضالریدن بیری شریف‌الله هوتک‌نینگ سلام‌وطندارگه ایتیشیچه، امنیتی کوچلر بیلن طالب‌لر اورته‌سیده یوزبیرگن توقنه‌شوو جریانیده، اوشبو اوق امنیتی کوچلر تامانیدن مسجد تامان آتیلگن. اونینگ سلام‌وطندارگه ایتیشیچه، بو اوق قصدی شکلده آتیلگن، قضیه عامل‌لری تیزلیک‌ده محکمه بولمه‌گن صورتده، اولر ناراضیلیککه قول اوره‌دی.
اوشبو واقعه‌دن کیین، مذکور ولایت یشاوچیلری 6 ساعت کابل- قندهار یولی‌نی ترافیک اونگیده یاپیب و دولت رسمی‌لریدن بو قضیه‌نی جدی صورتده، تیکشیریشینی سوره‌گن ایدی.
