مملکت ملی امنیت کینگشینینگ مسووللری، افغان ملی کوچلری بوندن بویان قوراللی طالبلر مالی قیناقلرینی هجوم آستیگه آلهدی دیگنلر.
بوگون (یکشنبه) کابلده مدافعه، ایچکی ایشلر وزیرلیکلری مطبوعات ییغینیده اشتراک قیلگن ملی امنیت کینگشینینگ سوزلاوچیسی تواب غورزنگنینگ ایتیشیچه، حکومت قوراللی طالبلرنی نابود قیلیش اوچون آلگن قراری یانیده بو حرکتنینگ مالی منبعینی هم اورتهدن کوتارهدی.
جناب غورزنگ، مخدرماده ایکیش، بنگی وار مادهلرینی قاچاق قیلیش، کانلرنی قازیب چیقاریش و عشر و زکات ییغیش طالبلرنینگ اصلی مالی منبع حسابلنهدی دیگن.
غورزنگ نینگ سوزلریگه کوره، ملی خوفسیزلیک کینگشی مملکتده گروگان آلیش گه پایان بیریش اوچون ینگی بیر لایحه قوله آلگن، بو لایحه عملی بولیش بیلن مذکور قیینچلیک هم حل ایتیلهدی.
افغانستان ملی مدافعه وزیرلیگینینگ سوزلاووچیسی دولت وزیری، افغان ملی کوچلری قوراللی طالبلرنی نابود قیلیش اوچون ملکهلری آشگن لیگینی ایتگن. ایتیلیشیچه، افغان ملی کوچلری اوتگن هفته 622 اکمالاتی و اوروش عملیاتینی اوتکزگنلر.
جناب وزیری، افغان ملی کوچلری اختیاریده بولگن اوچاقلر حتی تونگی عملیاتلرده هم بی ملال عملیات اوتکزیش قابلیتیگه ایگه دیگن.
شونینگدیک جناب وزیری، افغان ملی کوچلری نینگ هلمند، ارزگان و قندوز ولایتلریده اوتکزگن حربی علماتیده عاقبتیده قوراللی طالبلرگه کته ضربه بیرلیگن دیگن.
افغانستان ایچکی ایشلر زویرلیگینینگ سوزلاووچیسیسی صدیق صدیقی، افغان ملی کوچلری هلمند و قندوز ولایتلریده ییریک علمیاتلرنی اوتکزیب جنگری طالبلرگه آغیر ضربه بیرگنلر دیگن.
