قندوز ولایتی رسمیلرینینگ ایتیشیچه، اوتکن کون مذکور ولایتده یوزبیرگن پارتلش نتیجهسیده 29 انسان هلاک بولیب و 19 کیشی یرهلنگن. بو هجوم اوتکن کون کیچ قورون 17- اسد قندوز ولایتی خانآباد تومنی «شوراب» منطقهسیده طالبلر جنگریلری تامانیدن اویوشتیریلگن.
محل یشاوچیلرینینگ ایتیشیچه، پارتلاوچی ماده بیر کرولا موتریگه جایلشتیریلگن بولیب، پارتلش بیر ناقانونی قوراللی گروه قوماندانی قدیرنینگ عسکرلری بیرقیشلاق تامان کیتهدیگن چاغیده صادر ایتیلگن.
قندوز ولایتی خانآباد تومنی اجراییه باشلیغی قدرتالله صافینینگ سلاموطندارگه ایتیشیچه، اوتکن کون یوزبیرگن واقعهدن کیین، بیرقطار هلاک بولگنلر و یرهلنگنلر اویلریگه ییتتکزیلگن. شونینگ دیک او، حادثه قیتهدن تیکشیریلگنیدن کیین، بو واقعهده هلاک بولگنلر سانی 29 کیشیگه ییتگنی معلوم بولگن.
اونگه کوره، بو واقعهده هلاک بولگنلردن 25 تهسی بیر ناقانونی قوراللی گروه اعضاسی و باشقه 4 تهسی ایکی باله شامل تینچ اهالی دن عبارت. اونینگ کوپیتیریشیچه، بو هجومده تورت قوراللی و 15 تینچ اهالی یرهلنگن.
شونینگدیک، جناب صافینینگ ایتیشیچه، واقعهده هلاک بولگنلر ایچیده، قوماندان قدیر شامل مذکور قوراللی گروهلرنینگ باشقه تورت قوماندانی شامل دیر.
طالبلر بیر خبرنامه ترقهتیب بو واقعه مسوولیتینی اوز بوینیگه آلیب ادعا قیلیشیچه، بو هجوم قوماندان قدیر ییتکچیلیگده بولگن محلی پولیس اوستیگه اویوشتیریلگن.
شونینگدیک طالبلرنینگ ایتیشیچه، بو هجومده 31 کیشی هلاک بولگن و باشقه 26 کیشی یرهلنگن.
جمعه کوندن بویان افغانستانده عملگه آشیریلگن اوچینچی پارتلش. جمعه کون کابلده یوزبیرگن اوچ قانلی هجوم نتیجهسیده، کمیده 51 کیشی هلاک بولیب و یوزلرچه آدم یرهلنگن ایدی.
مملکت جمهور رییسی اشرف غنی بوهجوم لرنی طالبلر ایشیدیب، طالبلرنینگ بو هجوملریدن مقصد ایچکی قرهمه قرشیلیکلرینی خلق فکریدن چیقاریش دیر دیگن.
شونینگدیک، ایچکی ایشلر وزیری بو هجوملرنی قارهلب، توکیلگن قانلر انتقامی طالبلردن آلینهدی دیگن.
